Jibek joly تەلەارناسىنىڭ جوباسى - «تۇمار-2024» سىيلىعىنىڭ يەگەرى

Tumar
Photo: Viktor Fedyunin

استانا. قازاقپارات - «Jibek Joly» تەلەارناسىنىڭ «شەتەلدەگى قازاق بالالارى» جوباسى «تۇمار» تەلەۆيزيالىق جۇلدەسىنە يە بولدى. بىرەگەي باعدارلاما «ۇزدىك دەرەكتى فيلم» نوميناتسياسىندا توپ جاردى.

جوبا اۆتورى جانار بايسەمىز شەتەلدىكتەر اسىراپ العان قازاقتىڭ جەتىم بالالارىنىڭ تاعدىرى مەن تانىمىن ءبىراز جىلدار بويى زەرتتەپ كەلەدى. بەلگىلى جوبا «Jibek Joly» تەلەارناسىنان العاش رەت 2022-جىلى قازان ايىندا كورەرمەنگە جول تارتقان بولاتىن. سودان بەرى شىعارماشىلىق توپ تۋعان ەلدەن جىراققا كەتكەن بالالاردى الەمنىڭ ءار تۇكپىرىنەن تاۋىپ، قازاق كورەرمەنىنە تانىستىرىپ كەلەدى. جوبانىڭ ەكىنشى ماۋسىمى امەريكانىڭ 13 شتاتىندا ءتۇسىرىلدى. 18 بولىمنەن تۇرادى.

«2023 تە ەۋروپا مەملەكەتتەرىنەن، ودان كەيىن 2024 تە سول امەريكا قۇراما شتاتتارىنان ءتۇسىرىپ كەلدىك. ەۋروپا مەملەكەتتەرىنەن ون ەكى، امەريكا قۇراما شتاتتارىنان ون سەگىز باعدارلاما شىقتى. ءۇشىنشى ماۋسىم ءالى جالعاسقان جوق. ءبىراق سول باعدارلاماعا تۇسكەن بالالاردىڭ اتا- انالارىن تاۋىپ بەرىپ جاتىرمىز. الدى قازاقستانعا كەلىپ، تۋعان-تۋىستارىمەن كەزدەستى. ەڭ ءبىرىنشى پرەزيدەنت تەلەراديو كەشەنىنىڭ باسشىلىعىنا جانە جىبەك جولى ارناسىنىڭ باسشىلىعىنا العىس ايتقىم كەلەدى. جالپى ۇجىمعا راحمەت. ويتكەنى بۇل - وتە كۇردەلى باعدارلاما. ادام تاعدىرى. حالىقتىڭ ىقىلاسىنا بولەندى. ءوزىمنىڭ كومانداما، باعدارلاماعا ۇلەسىن قوسقان بارلىق ادامعا العىسىمدى بىلدىرەم»، - دەدى جانار بايسەمىز سوزىندە.

ايتا كەتەيىك، بيىل «تۇمار» تەلەبايگەسىنە 300 ءوتىنىم قابىلدانىپ، 48 تەلەونىم نومينانتتار تىزىمىنە ەنگەن. ۇمىتكەرلەر 12 نوميناتسيا بويىنشا باق سىناستى. جەڭىمپازدارعا جىلداعى ءداستۇر بويىنشا قازاقستاندىق تەلەۆيزيانى دامىتۋعا قوسقان ۇلەسى ءۇشىن تۇمار مۇسىنشەسى جانە 1 ميلليون تەڭگە كولەمىندەگى سىياقى تابىستالدى.

سونىمەن، جەڭىمپازدار تومەندەگىدەي:

توتەنشە جاعداي كەزىندە تۇسىرىلگەن ۇزدىك رەپورتاج - «الاپات تاسقىن» - «Qazaqstan» تەلەارناسى

ۇزدىك جۋرناليستىك زەرتتەۋ - «ەكونوميكا vs ەكولوگيا: سۋ ۇنەمدەۋدىڭ جولدارى قانداي؟ /ارنايى رەپورتاج» - «Atameken Business» تەلەارناسى

ۇزدىك اقپاراتتىق باعدارلاما - «Astana Times» جاڭالىقتار قىزمەتى - «Astana TV» تەلەارناسى

ۇزدىك اناليتيكالىق باعدارلاما - «جەتى كۇن» - «حابار» تەلەارناسى

ۇزدىك الەۋمەتتىك جوبا - «قۇدايى قوناق» - «Qyzylorda» تەلەارناسى

ۇزدىك دەرەكتى فيلم - «شەتەلدەگى قازاق بالالارى» - «Jibek Joly TV» تەلەارناسى

ۇزدىك تەلەحيكيا - «موشەننيكي» - «ن ت ك» تەلەارناسى

ۇزدىك وڭىرلىك توك-شوۋ - «ءدىلمار» - «جەتىسۋ» تەلەارناسى

ۇزدىك وڭىرلىك تەلەارنا - «ت د ك-42» تەلەارناسى

بالالارعا ارنالعان ۇزدىك باعدارلاما - «اۋىلdone» - «جەتىنشى ارنا»

ۇزدىك تەلەجۋرناليست - گريگوري بەدەنكو - «حابار» تەلەارناسى

ۇزدىك تەلەجۇرگىزۋشى - مادينا بالعابايەۆا - «ك ت ك» تەلەارناسى

بۇدان بولەك، قازاقستان رەسپۋبليكاسى پرەزيدەنتىنىڭ كەڭەسشىسى –باسپا ءسوز حاتشىسى بەرىك ءۋالي «Qazsport» تەلەارناسىنا «تۇمار-2024» ارنايى جۇلدەسىن تابىس ەتتى. ق ر مادەنيەت جانە اقپارات ءمينيسترى ايدا بالايەۆا «Almaty» تەلەارناسىنا دا ارنايى جۇلدە تابىستادى.

ەستەرىڭىزگە سالساق، «تۇمار» ۇلتتىق تەلەۆيزيالىق بايگەسى 2017-جىلدان بەرى ق ر مادەنيەت جانە اقپارات مينيسترلىگىنىڭ باستاماسىمەن ۇيىمداستىرىلىپ كەلەدى. باستى ماقسات - ساپالى قازاقستاندىق تەلەۆيانى دامىتۋ جانە ىلگەرىلەتۋ، تەلەۆيزيالىق كونتەنت وندىرىسىندە تالانتتى مامانداردى قولداۋ جانە ونىڭ ەڭ مىقتى وكىلدەرىن ماداقتاۋ.

سوڭعى جاڭالىقتار