Jibek Joly جۋرناليسى AMANAT جۇلدەسىن جەڭىپ الدى
استانا. KAZINFORM - Jibek Joly تەلەارناسىنىڭ جۇرگىزۋشىسى ايگۇل مۇكەي جۋرناليستەر اراسىندا ۇيىمداستىرىلعان رەسپۋبليكالىق «AMANAT» سىيلىعىن جەڭىپ الدى.
بايقاۋ جەڭىمپازدارىن ماراپاتتاۋ ءراسىمى بۇگىن بۇقارالىق اقپارات قۇرالدارى كۇنى مەرەكەسى قارساڭىندا استانادا ءوتتى. جۋرناليستەرگە ماراپاتتى Amanat پارتياسىنىڭ ءتوراعاسى ەرلان قوشانوۆ تابىستادى.
«AMANAT» پارتياسى جۋرناليستەر اراسىنداعى رەسپۋبليكالىق بايقاۋدى 15 جىل قاتارىنان ۇيىمداستىرىپ كەلەدى. بيىل بايقاۋعا شامامەن 200 ادامنان 1500 گە جۋىق ەڭبەك كەلىپ ءتۇستى. ولاردىڭ كوپشىلىگى وڭىرلىك بۇقارالىق اقپارات قۇرالدارىنان كەلگەن. پارتيانىڭ باسپا ءسوز قىزمەتىنىڭ حابارلاۋىنشا، بيىل كەلىپ تۇسكەن بارلىق ەڭبەكتەردىڭ %30 «ءبىز بىرگەمىز» سۋ تاسقىنىمەن كۇرەس تۋرالى» اتالىمىنا جولدانعان.
«AMANAT» پارتياسىنىڭ سپيكەرى ەرلان قوشانوۆ سىيلىق يەگەرلەرى مەن بۇقارالىق اقپارات قۇرالدارىنىڭ وكىلدەرىن كەلە جاتقان كاسىبي مەرەكەلەرىمەن قۇتتىقتادى.
«جۋرناليستەر - مەملەكەت پەن قوعامنىڭ اراسىنداعى التىن كوپىر. سىزدەر ەلدىڭ دامۋ باعدارىن، مەملەكەت باسشىسىنىڭ رەفورمالارىن، وڭ وزگەرىستەردى حالىققا جەتكىزۋدە شەشۋشى رول اتقارىپ كەلەسىزدەر. پرەزيدەنت ايتقانداي، تەك مىقتى، كاسىبي جانە دەربەس ماسس- مەديا عانا شىنايى يدەولوگيالىق ەگەمەندىگىمىزدى قامتاماسىز ەتە الادى. كۇنى كەشە ونىڭ تاپسىرماسى بويىنشا ازىرلەنگەن «ماسس- مەديا تۋرالى» زاڭعا قول قويىلدى. بۇل قۇجات جۋرناليستەر قۇقىعىنىڭ قورعالۋىن كۇشەيتىپ، وتاندىق مەديا سالانى دامىتۋعا تىڭ مۇمكىندىكتەر بەرەدى»، - دەدى ول.
قازىرگى ۋاقىتتا ايگۇل مۇكەي - Jibek Joly تەلەارناسىنداعى «جاڭا ۋاقىت» اقپاراتتىق- تالداۋ باعدارلاماسىنىڭ جۇرگىزۋشىسى. كورەرمەندەردى ەلدە جانە الەمدە بولىپ جاتقان نەگىزگى وقيعالار تۋرالى حاباردار ەتەدى.
سونىمەن بىرگە، ا. مۇكەي «Ozger» باعدارلاماسىن جۇرگىزەدى، وندا ومىرلىك قيىن جاعدايعا تاپ بولعان كەيىپكەرلەرگە كومەك كورسەتەدى، ولاردىڭ يميدجىن وزگەرتىپ، جارقىن، بەلسەندى بولۋىنا سەپتىگىن تيگىزەدى.
«Amanat — 2024 مەديا سىيلىعىن» تابىستاۋ راسىمىندە ايگۇل ق ر پرەزيدەنتىنىڭ تەلەراديوكورپوراتسياسىنا شىعارماشىلىققا جاڭاشا كوزقاراسپەن تانىلۋعا مۇمكىندىك بەرگەنى ءۇشىن ەرەكشە العىس ءبىلدىردى جانە ءوزىنىڭ ۇستازى كامال سمايىلوۆ بولعانىن اتاپ ءوتتى.
ايتا كەتەيىك، «AMANAT مەديا سىيلىعى» ب ا ق جانرلارى بويىنشا ەمەس، تاقىرىپتىق باعىتتار بويىنشا ۇسىنىلعان ۇزدىك جۇمىستارعا بەرىلەدى. بايقاۋ جەڭىمپازدارى 10 نوميناتسيا بويىنشا انىقتالادى.
1) «ەلىمىزدەگى رەفورمالار تۋرالى ۇزدىك ماتەريال» - «Qazaqstan» تەلەارناسىنداعى «اپتا» باعدارلاماسىنىڭ جەتەكشىسى ءارى جۇرگىزۋشىسى جاينا سلامبەك؛
2) «ادال ازامات» تۋرالى ۇزدىك ماتەريال» - «24 KZ» تەلەارناسىنداعى «ارنايى جوبا» باعدارلاماسىنىڭ اۆتورى ءارى جۇرگىزۋشىسى ايعانىم دوستانباي؛
3) «جاستار تۋرالى ۇزدىك ماتەريال» «Aikyn.kz» سايتىنىڭ ەداكتور- ءجۋرناليسى التىنبەك مەرسادىق؛
4) «ايماق تۋرالى ەڭ ۇزدىك ماتەريال» - «يندۋستريالنايا كاراگاندا» گازەتى ديرەكتورىنىڭ ورىنباسارى- باس رەداكتور وكسانا مياگكيح؛
5) «پارتيا جۇمىسى تۋرالى ۇزدىك ماتەريال» - «ليتەر» گازەتىنىڭ ءتىلشىسى مەرگۋل دجيلكيشينوۆا؛ ؛
6) «الاش» قوزعالىسى تۋرالى ۇزدىك ماتەريال» - «Caspian News» تەلەارناسىنداعى تاقىرىپتىق باعدارلامالار ءبولىمىنىڭ شەف- رەداكتورى ايدوس قارابالا؛
7) «ءبىز بىرگەمىز» - سۋ تاسقىنىمەن كۇرەس تۋرالى ۇزدىك ماتەريال» - «قازاق راديولارى» اقپاراتتىق- ساراپتاۋ قىزمەتىنىڭ رەداكتورى ازامات تىلەپوۆ؛
8) شەرحان مۇرتازا جانە كامال سمايىلوۆ اتىنداعى «تەليەۆيزيا ۇزدىگى» سىيلىعى - جۋرناليست ءارى تەلەجۇرگىزۋشى ايگۇل مۇكەي؛
9) «بەلسەندى ازاماتتىق ۇستانىمى ءۇشىن» سىيلىعى - «Mangystau» تەلەارناسىنىڭ رەداكتورى ءارى جۇرگىزۋشى شىنار جۇماسات؛
10) قانىش ساتبايەۆ اتىنداعى «عىلىم الەمى» سىيلىعى - «Qazaqstan» تەلەارناسىنىڭ ارنايى ءتىلشىسى ازامات نۇعىمانوۆ.
