جەدەل جاردەم جۇرگىزۋشىسىن سوققىعا جىققان كۇدىكتى جازاسىز قالمايدى – ءى ءى م

  استانا. KAZINFORM - قاراعاندىدا جەدەل جاردەم جۇرگىزۋشىسىن ۇرعان كۇدىكتى جازاعا تارتىلادى.

بۇل تۋرالى ءماجىلىستىڭ الەۋمەتتىك- مادەني دامۋ كوميتەتىندە وتكەن جيىندا ىشكى ىستەر ءمينيسترىنىڭ ورىنباسارى يگور لەپەحا ءمالىم ەتتى.

«اتالعان وقيعا بويىنشا ءىس قوزعالدى. وسى باپ ارقىلى ول اكىمشىلىك ءتىپتى، قىلمىستىق جاۋاپكەرشىلىككە تارتىلۋى مۇمكىن، ياعني باس بوستاندىعىنان ايىرىلۋى ىقتيمال»، - دەدى يگور لەپەحا.

ەسكە سالساق، 27-قاڭتاردا ەر ازامات شاقىرۋعا كەلگەن دارىگەرلەر بريگاداسىنىڭ جۇرگىزۋشىسىمەن سوزگە كەلىپ قالعان. سودان سوڭ اشۋلانىپ، جۇدىرىق الا جۇگىرگەن.

بۇل داۋعا ەر ادامنىڭ اۋلا جولىمەن وتە الماعانى سەبەپ بولعان.

1-اقپان كۇنى قاراعاندى وبلىسىندا جەدەل جاردەم جۇرگىزۋشىسىن ۇرعان ەر ادام ۇستالدى.

دەپۋتات جەدەل جاردەم جۇرگىزۋشىسىن سوققىعا جىققان كۇدىكتىنى تەز ارادا تابۋدى تالاپ ەتتى.