جازدىڭ ءۇشىنشى ايى جەل جانە وتكىنشى جاڭبىرمەن باستالادى

استانا. KAZINFORM - قازگيدرومەت ماماندارى 1-3-تامىز ارالىعىنا ارنالعان ءۇش كۇندىك اۋا رايى بولجامىن جاريالادى.

اۋا رايىنىڭ تۇراقسىز سيپاتى ساقتالادى.

رەسپۋبليكانىڭ بۇكىل اۋماعىندا وتكىنشى جاڭبىر جاۋىپ، نايزاعاي جارقىلدايدى، جەل كۇشەيەدى.

ەلىمىزدىڭ سولتۇستىك جارتىسىندا قاتتى جاڭبىر جاۋادى، بۇرشاق، قاتتى داۋىل بار.

ەلدىڭ وڭتۇستىگىندە عانا جاۋىن-شاشىنسىز اۋا رايى، كۇن اشىق بولادى.

رەسپۋبليكانىڭ باتىسىندا كۇندىزگى ۋاقىتتا اۋا تەمپەراتۋراسى 31+36+ گرادۋسقا دەيىن جوعارىلايدى.

ال ەلدىڭ قالعان اۋماعىندا تەمپەراتۋرا بىرتىندەپ تومەندەيدى.

اۆتور
جانات قاپالبايەۆا