جازدا ورتەنىپ، تۇرعىندار تەرەزەدەن سەكىرگەن الماتىلىق «اقكەنت» كەشەنى جوندەلدى

بيىل تامىزدا وتقا ورانعان «اقكەنت» تۇرعىن ءۇي كەشەنىندەگى 96 پاتەر ورتتەن كەيىن قالپىنا كەلدى، دەپ حابارلايدى Kazinform.

Атакент, пожар
Фото: Фото: агентство Kazinform

باسپالداق الاڭدارى، دالىزدەر جوندەلدى، پاتەرلەر ارلەنىپ، ەلەكتر مونتاجداۋ جانە كابەل اۋىستىرىلدى، التى پاتەردىڭ ەكى قاباتتى تەرەزەلەرى اۋىستىرىلدى، سەكسەن پاتەردىڭ كىرەبەرىس ەسىگى جوندەلگەن.

ادامداردىڭ قاۋىپسىزدىگىن قامتاماسىز ەتەتىن عيماراتتىڭ ەۆاكۋاتسيالىق جولدارى تەكسەرىلدى.

الاتاۋ اۋدانىنىڭ اكىمى ازامات قالدىبەكوۆ ورتتەن زارداپ شەككەن تۇرعىنداردىڭ جوندەۋدەن كەيىنگى ءۇيىن كوزىمەن كوردى.

ەرمەك نۇربوسىنوۆ قىزىل جالىن كەزىندە ءبارى سىنعانىن ايتىپ، ءۇيدى قالپىنا كەلتىرگەنى ءۇشىن اكىمدىككە العىسىن بىلدىرەدى.

«كۇنى- ءتۇنى بەل جازباي ەڭبەك ەتىپ، قىسقا مەرزىمدە جۇمىسشىلار ءبارىن قالپىنا كەلتىردى. بىزگە قول ۇشىن سوزىپ، كومەكتەسكەنىنە وتە ريزامىز»، - دەدى ول.

ءباتيما كوجەكبايەۆا اكىمدىكتىڭ جوندەۋگە كومەكتەسكەنىن جانە تۇرعىنداردى نازاردان تىس قالدىرمايتىنىن اتاپ ءوتتى.

«وتقا ورانعان پاتەردى جوندەۋدەن كەيىن ۇيىمىزگە قايتا ورالدىق. جوندەۋ جۇمىستارى جاقسى جاسالعان، ءۇيىمىز جىلى، تازا. كوپ راحمەت. بىزگە بىرنەشە رەت كەلىپ، قال- جاعدايىمىزدى ءبىلىپ تۇردى»، — دەدى ول.

تۇرعىن ۇيلەردى قالپىنا كەلتىرۋگە جانە ۋاقىتشا قونىستانۋعا اكىمدىك 168 ميلليون تەڭگەدەن استام قاراجات ءبولدى.

ونىڭ 100 ميلليون تەڭگەسى جوندەۋگە جۇمسالسا، تاعى 300 ميلليون تەڭگەنى قۇرىلىس سالۋشى كومپانيا بولگەن.

ەسكە سالساق، 1-تامىزدا الماتىداعى «اقكەنت» شاعىناۋدانىندا 16 قاباتتى ۇيدەن ءورت شىعىپ، 49 ادام زارداپ شەكتى، ءبىر ايەل العان جاراقاتىنان قايتىس بولدى.

سوڭعى جاڭالىقتار