20:29, 02 - مامىر 2024 | GMT +5
جازدا استاناداعى جول ءجۇرۋ اقىسى 110 تەڭگە بولادى - جەڭىس قاسىمبەك
استانا. KAZINFORM - جازدا استاناداعى جول ءجۇرۋ اقىسى 20 تەڭگەگە قىمباتتايدى. بۇل تۋرالى ەلوردا اكىمى جەڭىس قاسىمبەك تۇرعىندارمەن كەزدەسۋدە ايتتى.
«جازدا جول ءجۇرۋ اقىسى قىمباتتايدى. قازىرگى 90 تەڭگەلىك جول اقىسى 10 جىل بۇرىن بەكىتىلگەن ەدى. بۇل ۋاقىتتا جۇرگىزۋشىلەردىڭ جالاقىسى، بەنزين قۇنى - ءبارى وزگەردى. سوندىقتان بۇل وزگەرىستىڭ نەگىزى بار. قازىر اكىمدىك ءاربىر جولاۋشى ءۇشىن 250-300 تەڭگە سۋبسيديا تولەپ وتىر»، - دەدى جەڭىس قاسىمبەك.
قالالىق ءماسليحات رەگلامەنتكە سايكەس، وسى شەشىمدى قابىلدايدى.
استانا قالالىق ءماسليحاتىنىڭ ءتوراعاسى ەرلان قاناليموۆ قوعامدىق كولىكتە ءجۇرۋ اقىسىن كوتەرۋ باستاماسىن ايتقان ەدى.
