جاز ماۋسىمىندا كۋرورتتىق ايماقتارعا قاتىنايتىن رەيستەر مەن پويىزداردىڭ سانى ارتادى
استانا. KAZINFORM - تۋريستىك ماۋسىم قارساڭىندا ق ر كولىك مينيسترلىگى ەلىمىزدىڭ كۋرورتتىق ايماقتارىنا قاتىنايتىن اۋە رەيستەرى مەن تەمىرجول پويىزدارىنىڭ سانىن ارتتىرۋ شەڭبەرىندەگى جۇمىستاردى جالعاستىرىپ جاتىر.
مينيسترلىكتىڭ مالىمەتىنشە، استانا مەن الماتىدان اپتاسىنا 36 رەيس جيىلىگىمەن بالقاش جانە الاكول كولدەرىنە اۋە رەيستەرى ورىندالادى. ونىڭ ىشىندە ۇشاقتار 33 جيىلىكپەن الاكولگە، 3 جيىلىكپەن بالقاشقا دەيىن ۇشادى.
الماتى قالاسىنان:
- ءۇرجارعا دەيىن (سۋبسيديالاناتىن رەيس): اپتاسىنا 7 رەت «يۋجنوە نەبو» اۋە كومپانياسىمەن ورىندالادى. سونداي-اق بيىل 1-شىلدەدەن باستاپ Qazaq Air اۋەكومپانياسى اپتاسىنا 4 رەيس جيىلىگىمەن (سەيسەنبى، بەيسەنبى، جۇما جانە جەكسەنبى كۇندەرى) كوممەرتسيالىق رەيستەردى ىسكە قوسادى؛
- ءۇشارالعا دەيىن (سۋبسيديالاناتىن رەيس): اپتاسىنا 10 رەت «يۋجنوە نەبو» اۋە كومپانياسى ورىندايدى. سونىمەن بىرگە 16-ماۋسىمنان باستاپ Qazaq Air اۋە كومپانياسى اپتاسىنا 4 رەيس جيىلىگىمەن (سەيسەنبى، بەيسەنبى، جۇما جانە جەكسەنبى كۇندەرى) كوممەرتسيالىق رەيستەردى ىسكە قوسپاق؛
- بالقاشقا دەيىنگى كوممەرتسيالىق رەيستەردى «يۋجنوە نەبو» اۋەكومپانياسى ورىندايدى، اپتاسىنا 3 رەيس (سارسەنبى، جۇما، جەكسەنبى)؛
استانا قالاسىنان:
- ءۇرجارعا 1-ماۋسىمنان باستاپ Qazaq Air اۋەكومپانياسى اپتاسىنا 4 رەيس جيىلىگىمەن (سەيسەنبى، بەيسەنبى، جۇما جانە جەكسەنبى كۇندەرى) كوممەرتسيالىق رەيستەردى ىسكە قوسادى؛
- ءۇشارالعا بيىل 16-ماۋسىمنان باستاپ Qazaq Air اۋەكومپانياسى اپتاسىنا 4 رەيس جيىلىگىمەن (سەيسەنبى، بەيسەنبى، جۇما جانە جەكسەنبى كۇندەرى) كوممەرتسيالىق رەيستەردى ىسكە قوسۋدى جوسپارلاپ وتىر.
سونىمەن قاتار الاكول كولىنىڭ باعىتىندا قوسىمشا 3 تالگو پويىزى مەن 3 ستاندارتتى پويىز جۇرە باستايدى:
1. № 254/253 «استانا- دوستىق» (تالگو)؛
2. № 211/212 «الماتى- دوستىق»(تالگو)؛
3. № 207/208 «الماتى- دوستىق»(تالگو)؛
4. № 221/222 «الماتى- دوستىق»(ستاندارتتى)؛
5. № 457/458 «سەمەي- دوستىق»(ستاندارتتى)؛
6. № 459/460 «وسكەمەن- دوستىق» (ستاندارتتى)؛
7. № 21/6942/6941/22 «الماتى- دوستىق» (تىركەمە ۆاگون)؛
8. № 21/6942/6941/22 « قىزىلوردا- دوستىق» (تىركەمە ۆاگون)؛
بۇگىنگى تاڭدا اتالعان باعىتتاردا ءۇش پويىز جولاۋشىلاردى تاسىمالدايدى. اتاپ ايتقاندا، № 337/338 «الماتى- دوستىق»، № 6941/6942 «اقتوعاي- دوستىق»، № 53/54 «استانا- دوستىق» جانە «استانا- دوستىق» باعىتىنداعى ۆاگوندار (№ 121/122 «استانا- سەمەي» پويىزىنىڭ قۇرامىندا، 3 كۋپە ۆاگون).
جالپى سانى 12 پويىز قاتىنايدى.
سونىمەن قاتار سۇرانىسقا يە كەلەسى باعىتتار بويىنشا كوممەرتسيالىق پويىزداردى ىسكە قوسۋ قاراستىرىلىپ وتىر:
№ 201/202 استانا- الماتى
№ 203/204 استانا- شىمكەنت
№ 257/258 ورال- استانا
قازىرگى تاڭدا قولدانىستاعى باعىتتار بويىنشا جىلجىمالى قۇرامدى جازعى كەزەڭگە دايىنداۋ جۇمىستارى جۇرگىزىلۋدە. ماسەلەن، جەلدەتۋ جانە اۋانى باپتاۋ جۇيەلەرىن قايتا جاڭعىرتۋ، اۋا سۇزگىلەرىن اۋىستىرۋ، سۋمەن جابدىقتاۋ جۇيەسىن جۋۋ جانە دەزينفەكتسيالاۋ، ۆاگونداردىڭ ەلەكتر جابدىقتارىن تەكسەرۋ بويىنشا ءىس-شارالار اتقارىلىپ جاتىر. سونداي-اق تامبۋرلاردى، جىلىتۋ جۇيەلەرىنىڭ قۇبىرلارىن جانە باسقا دا بولشەكتەردى سىرلاۋ ءارى ۆاگون شاناقتارىن جۋۋ جۇمىستارى جۇرگىزىلىپ جاتىر.
اۆتور
باقىتگۇل اباي قىزى
