جايىقتاعى سۋ دەڭگەيى تايپاق اۋىلى تۇسىندا 940 سانتيمەتردەن استى

 ورال. KAZINFORM - باتىس قازاقستان وبلىسىندا جايىق وزەنىندەگى سۋ دەڭگەيى اقجايىق اۋدانى تايپاق اۋىلىنداعى گيدروبەكەتتە 942 سانتيمەترگە جەتتى.

«قازگيدرومەت» ر م ك ب ق و فيليالىنىڭ 7-مامىر كۇنگى ساعات 08.00 دەگى مالىمەتىنە قاراعاندا، وزەن سۋى تايپاق تۇسىندا ءبىر تاۋلىكتە 13 سانتيمەترگە كوتەرىلدى.

جايىق وزەنىنىڭ باتىس قازاقستان وبلىسىنداعى باسقا گيدروبەكەتتەرىندە سۋ دەڭگەيىنىڭ ءتۇسۋى جالعاسىپ جاتىر.

ايتالىق، بايتەرەك اۋدانى يانۆارتسيەۆ اۋىلىندا ءبىر تاۋلىكتە 6 (790 س م)، ورال قالاسىندا 2 (784 س م)، كوشىمدە 3 (806 س م)، سونداي- اق كوشىم كانالىندا 1 (752 س م) سانتيمەترگە تومەندەدى.

اقجايىق اۋدانىنىڭ اكىمى مۇرات سەردالين جاعدايدىڭ قالىپتى، ەلدى مەكەندەرگە قاۋىپ جوق ەكەندىگىن جەتكىزدى.

اۋدان تۇرعىندارىنىڭ سوزىنە قاراعاندا، ساي-سالانى تولتىرىپ جاتقان مۇنداي مول سۋ كوپتەن بەرى كەلمەگەن.

سونىمەن قاتار مالدى قاۋىپسىز جەرگە ايداپ شىعارۋ ءۇشىن جەرگىلىكتى حالىققا توتەنشە جاعداي قىزمەتكەرلەرى دە كومەكتەسىپ جاتىر.

ەسكە سالا كەتەيىك، بۇدان بۇرىن باتىس قازاقستاندا جايىق وزەنىندەگى سۋ دەڭگەيى تايپاق اۋىلىندا 929 سانتيمەترگە جەتكەنىن جازعان بولاتىنبىز.