جايىق وزەنىندەگى سۋ دەڭگەيى تايپاق اۋىلى تۇسىندا 580 سانتيمەتردەن استى

Жайық өзеніндегі су деңгейі Тайпақ ауылы тұсында 580 сантиметрден асты
Фото: Қазгидромет

ورال. KAZINFORM - جايىق وزەنىندەگى سۋ دەڭگەيى اقجايىق اۋدانى تايپاق اۋىلىنداعى گيدروبەكەتتە ءبىر تاۋلىكتە 19 سانتيمەترگە كوتەرىلدى.

«قازگيدرومەت» ر م ك ب ق و فيليالىنىڭ 27-ءساۋىر كۇنگى ساعات 08.00 دەگى مالىمەتى بويىنشا تايپاق تۇسىندا سۋ دەڭگەيى 581 سانتيمەترگە (قاۋىپتى شەگى - 850 سانتيمەتر) جەتتى.

ەسەسىنە باسقا گيدروبەكەتتەردە جايىقتاعى سۋ دەڭگەيى تومەندەپ كەلەدى. اتاپ ايتقاندا، بايتەرەك اۋدانى يانۆارتسيەۆ اۋىلىندا 864 (قاۋىپتى شەگى - 1250 سانتيمەتر)، ورال قالاسىندا 851 (-4،850 سانتيمەتر)، كوشىمدە 852 (-3،850 سانتيمەتر) سانتيمەتردى كورسەتتى.

وبلىستىڭ باسقا دا وزەندەرىندە سۋ دەڭگەيىنىڭ تۇسكەنى بايقالادى. اقجايىق اۋدانىنىڭ اكىمى مۇرات سەردالين جايىق سۋى باقىلاۋدا، اۋداندا جاعدايدىڭ قالىپتى ەكەنىن جەتكىزدى.

ەسكە سالا كەتەيىك، بۇدان بۇرىن باتىس قازاقستاندا وبلىستىق جول قاق ايىرىلىپ، سۋ شايىپ كەتكەنىن جازعان بولاتىنبىز.

سوڭعى جاڭالىقتار