جايىق وزەنىندە سۋ دەڭگەيى 858 سانتيمەترگە جەتتى
ورال. KAZINFORM - ورال قالاسىنداعى جايىق وزەنىندە سۋ دەڭگەيى 8 سانتيمەترگە كوتەرىلىپ، 858 سانتيمەترگە جەتتى. بۇل تۋرالى توتەنشە جاعدايلار مينيسترلىگى حابارلادى.
ت ج م كۇشتەرى جانە قۇرالدارى باتىس قازاقستان وبلىسىندا تاۋلىك بويى جۇمىس ىستەدى. وسى ساعاتقا دەيىن قۇتقارۋشىلار بوگەتتەر تۇرعىزىپ، ونى نىعايتۋ جۇمىستارىن جۇرگىزدى. سونىمەن قاتار ۋاقىتشا توپىراق ۇيىندىلەرى جابدىقتالدى.
بۇعان دەيىن توتەنشە جاعدايلار مينيسترلىگى ورال ماڭىنداعى ساياجايلاردان تاعى ءبىراز تۇرعىن كوشىرىلگەنىن حابارلاعان ەدى.
ىزدەستىرۋ- قۇتقارۋ جۇمىسى بارىسىندا ورال قالاسىنىڭ ماڭىنداعى سۋ باسقان ايماقتاردان ت ج م كۇشىمەن ساياجايدىڭ 60-تان استام تۇرعىنى مەتالل قايىقپەن ەۆاكۋاتسيالانعان.
ازاماتتاردى شۇعىل ەۆاكۋاتسيالاۋ بويىنشا بۇكىل جۇمىس ت ج ءمينيسترى شىڭعىس ءارىنوۆتىڭ جەتەكشىلىگىمەن ءجۇرىپ جاتىر.
ەسكە سالا كەتكەن ءجون، ءبىر اپتا بۇرىن قۇتقارۋشىلار ازاماتتاردان ءۇيىن تاستاپ كەتۋدى تالاپ ەتكەن بولاتىن.
الايدا، ولار ەۆاكۋاتسيالىق پۋنكتەرگە ورنالاسۋدان باس تارتقان.
ەسكە سالا كەتەيىك، بۇدان بۇرىن ورال قالاسىندا جايىقتاعى سۋ دەڭگەيى ءقاۋىپتى شەكتەن اسىپ كەتكەنىن جازعان بولاتىنبىز.
ورال قالاسى توڭىرەگىندە ساياجايلار سۋعا كەتىپ جاتىر.
ب ق و ت ج دەپارتامەنتى سۋ باسقان اۋماقتاردا قالۋ قاۋىپتى ەكەنىن ەسكەرتتى.
ورال ساياجايلارىنان ادامدار ءماجبۇرلى تۇردە كوشىرىلىپ جاتىر.
اۆتور
ەلميرا ورالبايەۆا
