جايىلىم جەرلەرگە قاتىستى زاڭ وزگەرتىلدى
بۇعان دەيىن ەلىمىزدە جايىلىمدىق جەرلەر كونكۋرسسىز بەرىلىپ كەلسە، ەندى بۇل نورما الىنىپ تاستالادى.
بۇگىن ءماجىلىستىڭ جالپى وتىرىسىندا «جايىلىمداردى پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلداندى. سوعان سايكەس، جەكە جانە زاڭدى تۇلعالارعا جەر تەك 5 جىلعا دەيىنگى مەرزىمگە بەرىلمەك. سونداي- اق اۋىل تۇرعىندارىنىڭ مال جاياتىن اۋماعىنىڭ مارتەبەسىن نىعايتۋ ءۇشىن «كوپشىلىك پايدالاناتىن جايىلىمدار» جەكە ۇعىمى ەنگىزىلەدى. ال جايىلىمداردىڭ اينالاسىندا قازۋ جۇمىستارىن جۇرگىزگەندەر جاۋاپكەرشىلىككە تارتىلاتىن بولادى.
نۇرجان اشىمبەتوۆ، ق ر پارلامەنتى ءماجىلىسىنىڭ دەپۋتاتى:
- جايىلىمداردى سۋلاندىرۋ جانە جايىلىمداردى تۇبەگەيلى جانە ولاردىڭ بەتكى قاباتىن جاقسارتۋ بويىنشا شىعىنداردى سۋبسيديالاۋ ارقىلى فەرمەلەرگە مەملەكەتتىك قولداۋ نورمالارى كوزدەلگەن. سونىمەن قاتار، كوپشىلىك پايدالاناتىن جايىلىمداردى قالپىنا كەلتىرۋ جۇمىستارىن قارجىلاندىرۋ جەرگىلىكتى بيۋدجەتتەردەن جانە باسقا دا كوزدەردەن قاراستىرىلىپ وتىر. ەنگىزىلىپ وتىرعان وزگەرىستەر تۇرعىنداردىڭ قاجەتتىلىگىنە قاراي جايىلىمداردىڭ جەتىسپەۋشىلىك ماسەلەلەرىن شەشۋگە ىقپال ەتەدى.
www.24.kz
