جاياۋ جۇرگىنشىلەردىڭ جەراستى وتكەلىنە كولىكپەن كىرىپ كەتكەن جۇرگىزۋشى ۇستالدى

Ақтөбе
فوتو: instagram.com/akimat_nur_sultan

اقتوبەدەگى بەرسيەۆ كوشەسىندەگى جەراستى وتكەلىنە كولىكپەن كىرىپ، ونى الەۋمەتتىك جەلىگە جاريالاعان جۇرگىزۋشى ۇستالىپ، اكىمشىلىك جاۋاپقا تارتىلدى، دەپ حابارلايدى Kazinform.

اقتوبە وبلىستىق پ د باسپا ءسوز قىزمەتىنىڭ حابارلاۋىنشا، ءتارتىپ ساقشىلارى الەۋمەتتىك جەلىگە مونيتورينگ جاساپ، جەراستى جولىندا ۆيدەو تۇسىرگەن اقتوبەلىكتەردى انىقتادى.

«Toyota Land Cruiser Prado كولىگىنىڭ جۇرگىزۋشىسى اقتوبە قالاسى بەرسيەۆ كوشەسىندە ورنالاسقان جەراستى جاياۋ جۇرگىنشىلەر وتكەلى ارقىلى جۇرگەنى انىقتالدى. پاترۋلدىك پوليتسيا قىزمەتكەرلەرى اتالعان كولىكتىڭ جۇرگىزۋشىسىن انىقتاپ، پوليتسيا بولىمىنە جەتكىزىپ، وعان قاتىستى ا ق ب ت ك-نىڭ 590 باپتىڭ 7-بولىگى جانە ا ق ب ت ك-نىڭ 620-بابى بويىنشا اكىمشىلىك حاتتاما تولتىرىلدى. ەكى كولىك ايىپ تۇراعىنا قويىلدى»، - دەپ حابارلادى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

كەيىن اقتوبەلىك جۇرگىزۋشى ءوز ءىسى ءۇشىن حالىقتان كەشىرىم سۇرادى. الايدا ولار ەكى كۇن بۇرىن جوندەلگەن جارىقشامدى سىندىرماعانىن ايتىپ تۇر. اقتوبە قالالىق اكىمدىگى بولسا، مۇنى ۆاندالداردىڭ ءىسى ەكەنىن ايتىپ، حابارلاما تاراتتى.

«ەكى كۇن بۇرىن كەزەكتى رەت ش. بەرسييەۆ كوشەسىندەگى جەراستى وتكەلىندە جانە وعان ىرگەلەس اۋماقتا كوشە جارىقتاندىرۋ ەلەمەنتتەرىن اۋىستىرۋ جۇمىستارى جۇرگىزىلدى. وكىنىشكە قاراي، جارىقتاندىرۋ ەلەمەنتتەرىنە تاعى دا ۆاندالدار شابۋىل جاسادى. بۇل جولى ولار جاياۋ ادامدارعا ارنالعان وتكەلگە اۆتوكولىكپەن كىرگەن. جالپىعا ورتاق مۇلىكتىڭ بۇلىنگەنى تۋرالى اقپارات قۇقىق قورعاۋ ورگاندارىنا قۇقىق بۇزۋشىلاردىڭ جەكە باسىن انىقتاۋ جانە جاۋاپكەرشىلىككە تارتۋ ءۇشىن بەرىلدى. تۇرعىنداردىڭ قاۋىپسىزدىگىن قامتاماسىز ەتۋ ماقساتىندا جارىقتاندىرۋ قالپىنا كەلتىرىلدى»، - دەپ جازدى اقتوبە قالاسى اكىمىنىڭ باسپا ءسوز قىزمەتى.

سوڭعى جاڭالىقتار