جاپونيادا جازعى ازيا ويىندارىنىڭ الاۋى جاعىلدى

ەكى ساعاتقا جۋىق جالعاسقان نەگىزگى قويىلىمنان كەيىن، شارا ستاديوندا جاپونيا وليمپيادا چەمپيوندارىنىڭ الاۋ ەستافەتاسىمەن جالعاستى.

سوڭىندا، افينا وليمپياداسىنىڭ چەمپيونى، ەكى دۇركىن ازيا ويىندارى جانە الەم چەمپيونى مۋروفۋسي كودزي ءوز اكەسى، ازيا ويىندارىنىڭ ءتورت دۇركىن چەمپيونى مۋروفۋسي سيگەنوبۋمەن بىرگە باس الاۋدى جاقتى.

ەسكە سالايىق، جازعى ازيا ويىندارى 2026-جىلدىڭ 19-قىركۇيەك پەن 4-قازان ارالىعىندا جاپونيانىڭ ايچي پرەفەكتۋراسى مەن ناگويا قالاسىندا وتەدى، ويىنداردىڭ ۇرانى - Imagine One Asia («ءبىرتۇتاس ازيانى ەلەستەت»).

ايتا كەتەرلىگى، 1958-جىلعى توكيوداعى ازيا ويىندارى مەن 1994-جىلعى حيروسيماداعى ازيا ويىندارىنان كەيىن جاپونيا وسىمەن ءۇشىنشى رەت جازعى ازيا ويىندارىن وتكىزىپ وتىر.

وسىعان دەيىن حابارلاعانىمىزداي، قازاقستان ازيا ويىندارىنا 1994-جىلدان باستاپ قاتىسىپ كەلەدى. 1994-2022-جىل ارالىعىندا ەل سپورتشىلارى 8جازعى ازيادادا ونەر كورسەتىپ، بارلىعى 637 مەدال (165 التىن، 180 كۇمىس جانە 292 قولا) يەلەندى.

ناگوياداعى بايراقتى باسەكەدە قازاقستان ۇلتتىق قۇراماسىنىڭ ساپىنان 558 سپورتشى باق سىنايدى.