جاپونيادا جانارتاۋ اتقىلاپ، كۇل باعانى ءبىر شاقىرىم بيىكتىككە كوتەرىلدى
استانا. KAZINFORM - جاپونيانىڭ وڭتۇستىگىندە ساكۋرادزيما جانارتاۋى اتقىلادى. اتقىلاۋ كەزىندە جانارتاۋ كۇلىنىڭ باعانى كراتەردەن شامامەن ءبىر شاقىرىم بيىكتىككە كوتەرىلدى.
Anadolu اگەنتتىگىنىڭ حابارلاۋىنشا، جاپونيانىڭ كيۋسيۋ ارالىنىڭ وڭتۇستىگىندەگى كاگوسيما پرەفەكتۋراسىندا ورنالاسقان ساكۋرادزيما جانارتاۋى اتقىلادى.
اتقىلاۋ كەزىندە جانارتاۋ كۇلىنىڭ باعانى كراتەردەن شامامەن ءبىر شاقىرىم بيىكتىككە كوتەرىلگەن.
جانارتاۋ كاگوسيما قالاسىنان شامامەن سەگىز شاقىرىم جەردە، كينكو شىعاناعىنىڭ قاراما-قارسى جاعالاۋىندا ورنالاسقان.
جاپونيانىڭ جانارتاۋ كۇلى جونىندەگى كونسۋلتاتيۆتىك ورتالىعى دا 2026 -جىلعى 21-قاراشادا ساكۋرادزيمادا جارىلىسپەن قاتار جۇرەتىن اتقىلاۋ بولعانىن تىركەدى.
ەسكە سالايىق، بۇعان دەيىن يندونەزيانىڭ سياۋ ارالىنىڭ تۇرعىندارىنا كارانگەتانگ جانارتاۋىنىڭ كەزەكتى اتقىلاۋىنان كەيىن جانارتاۋلىق سەل ءجۇرۋ ءقاۋپى تۋرالى ەسكەرتۋ جاسالعان ەدى. ول كەزدە اتقىلاۋدان كوتەرىلگەن كۇل باعانى شامامەن ءبىر شاقىرىم بيىكتىككە جەتىپ، جانارتاۋدىڭ بەتكەيلەرىمەن قىزعان لاۆا اعىندارى مىڭ مەترگە دەيىن تاراعان.