جاپونيا روبوتتاردى اسكەر قاتارىنا الماق
استانا. KAZINFORM - جاپونيا ءوزىن-ءوزى قورعاۋ كۇشتەرىندە جاڭادان اسكەردىڭ جەتىسپەۋشىلىگىنە بايلانىستى، ج ي- مەن جاساقتالعان ادام ءتارىزدى روبوتتاردى قورعانىس سالاسىنا پايدالانۋدى زەرتتەپ جاتىر، دەپ حابارلايدى Kyodo.
ۇكىمەت پەن بيلەۋشى پارتيا وكىلدەرىنىڭ ايتۋىنشا، روبوتتار سوعىس قيمىلدارىنا قاتىسپايدى، بازالاردى كۇزەتەدى، ماتەريالدىق-تەحنيكالىق قامتۋعا قولدانىلادى.
بولاشاقتا بارلاۋ جانە قۇتقارۋ وپەراتسيالارىنا دا روبوتتار جىبەرىلۋى مۇمكىن.
جاقىن ارادا ادام ءتارىزدى روبوتتاردى پايدالانۋ بويىنشا زەرتتەۋلەر باستالادى، بايقاۋ ۇيىمداستىرىلىپ، جەكە كومپانيالار مەن ۋنيۆەرسيتەتتەر ازىرلەگەن روبوتتار ءوز مۇمكىندىكتەرىن كورسەتەدى.
ەل ۇكىمەتى جىل سوڭىندا قورعانىس جانە قاۋىپسىزدىك سالاسىنداعى نەگىزگى قۇجاتتاردى قايتا قاراماق، بۇل رەتتە ج ي- ءدى كەڭىنەن پايدالانۋ ەلدىڭ قورعانىس قابىلەتىن نىعايتۋدىڭ نەگىزگى فاكتورى رەتىندە قاراستىرىلادى.
2027-جىلدىڭ ساۋىرىندە باستالاتىن قارجى جىلىنا ارنالعان بيۋدجەتتىك جوباعا قاراعاندا، جاپونيا قورعانىس مينيسترلىگى جاساندى ينتەللەكتتى ءوزىن-ءوزى قورعاۋ كۇشتەرىنىڭ باسقارۋ جۇيەسىنە ەنگىزۋدى، سونداي-اق كولەمدى عارىش دەرەكتەرىن تالداۋ جانە زىمىرانداردى باعىتتاۋعا كومەكتەسەتىن «ج ي- مەن جابدىقتالعان تاكتيكالىق جەرسەرىكتى» سىناقتان وتكىزۋدى جوسپارلاپ وتىر.
ايتا كەتەلىك جاپونيا ارمياسى قايتا قۇرىلاتىنى تۋرالى جازعان ەدىك.
