جاپونيانىڭ ورتالىق بولىگىندە جەراستى دۇمپۋلەرى جالعاسۋدا

استانا. KAZINFORM - تۇرعىندارى كۇشتى جەر سىلكىنىسىن باستان وتكەرىپ، قىستىڭ قاتال جاعدايىنا شىداپ جاتقان جاپونيانىڭ ورتالىعىنداعى نوتو تۇبەگىندە سەيسميكالىق بەلسەندىلىك جالعاسۋدا، دەپ حابارلايدى NHK World-Japan.

جاپونيانىڭ مەتەورولوگيالىق اگەنتتىگىنىڭ حابارلاۋىنشا، نوتو تۇبەگىندەگى جەر سىلكىنىسىنىڭ سانى بىرتە-بىرتە ازايىپ كەلە جاتقانىمەن، سەيسميكالىق بەلسەندىلىك ءالى باسەڭسىمەگەن.

سەيسەنبىدە سيكا قالاسىندا جاپوندىق شكالا بويىنشا 0 دەن 7 گە دەيىن، قارقىندىلىعى 5 تەن تومەن جەر سىلكىنىسى بولدى.

سارسەنبى كۇنى تاڭەرتەڭگى جاعداي بويىنشا، 1- قاڭتارداعى جەر سىلكىنىسىنەن بەرى قارقىندىلىعى 1 نەمەسە ودان جوعارى 1429 جەراستى ءدۇمپۋى تىركەلدى.

جەر سىلكىنىسىنەن زارداپ شەككەندەردىڭ ماسەلەسىن سالقىن كۇن رايى دا قيىنداتىپ تۇر. سارسەنبى كۇنى تاڭەرتەڭ سيكا قالاسىندا تۇنگى تەمپەراتۋرا - 4- گرادۋسقا دەيىن، يسيكاۆا پرەفەكتۋراسىنداعى سۋدزۋ قالاسىندا -3 گرادۋسقا دەيىن تومەندەدى. كورشىلەس توياما قالاسىنداعى پرەفەكتۋرادا اۋا تەمپەراتۋراسى -2,9 گرادۋسقا دەيىن سالقىندادى.

ەۆاكۋاتسيالانعان ادامداردىڭ كوبىسى باسپانالاردا ۇزاق تۇرۋ سالدارىنان اۋىرىپ جاتىر.

بۇعان دەيىن جاپونياداعى جەر سىلكىنىسى قۇرباندارىنىڭ سانى 221 ادامعا جەتكەنى حابارلانعان بولاتىن.

قازا بولعانداردىڭ ىشىندە 13 ادام ۋاقىتشا باسپانادا دەنساۋلىعىنىڭ ناشارلاۋىنان قايتىس بولدى دەپ شامالانىپ وتىر.