جاپونيانىڭ بۇرىنعى پرەمەر-ءمينيسترىنىڭ رەزيدەنتسياسى ورتەنىپ كەتتى

جاپونيانىڭ بۇرىنعى پرەمەر-ءمينيسترى كاكۋەي تاناكانىڭ توكيو ورتالىعىنداعى رەزيدەنسياسى تولىعىمەن ورتەنىپ كەتتى. Kazinform بۇل تۋرالى NHK تەلەارناسىنا سىلتەمە جاساپ حابارلايدى.

8-قاڭتار كۇنى تۇستەن كەيىن جاپونيانىڭ بۇرىنعى پرەمەر- ءمينيسترى كاكۋەي تاناكانىڭ رەزيدەنتسياسىندا ءورت شىقتى. تەلەارنانىڭ حابارلاۋىنشا، كاكۋەيدىڭ قىزى تاناكا ماكيكو رەزيدەنتسيادا حوش ءيىستى تاياقتاردى تۇتاتقان، ارتىنشا عيمارات جالىنعا وراندى.

ءورتتى سوندىرۋگە 20 دان استام ءورت ءسوندىرۋ ماشيناسى مەن باسقا دا تەحنيكا جۇمىلدىرىلعانىمەن، ءورت ەكى ساعاتتان سوڭ عانا تولىق ءسوندىرىلدى. وسى ۋاقىت ىشىندە ەكى قاباتتى عيمارات تولىعىمەن ورتەنىپ، سول اۋماقتا ورنالاسقان ءبىر قاباتتى عيمارات تا وتقا وراندى.

وقيعا كەزىندە عيماراتتا تاناكانىڭ قىزى، بۇرىنعى سىرتقى ىستەر ءمينيسترى ماكيكو مەن ونىڭ فاميلياسىن العان كۇيەۋى، جاپونيانىڭ بۇرىنعى قورعانىس ءمينيسترى ناوكي تاناكا بولعان. قۇرباندار مەن زارداپ شەككەندەر جوق.

ساياساتكەردىڭ رەزيدەنتسياسىن «مەدزيرو سارايى» دەپ تە اتايتىن.