جاپونياداعى جەر سىلكىنىسىنەن قازا تاپقاندار سانى 213 كە جەتتى
جاپونياداعى نوتو ارالى ايماعىندا بولعان جەر سىلكىنىسى سالدارىنان قازا تاپقاندار سانى 213 ادامعا جەتتى.
Kazinform بۇل تۋرالى تاسسقا سىلتەمە جاساپ حابارلايدى.
بۇل تۋرالى يسيكاۆا پرەفەكتۋراسىنىڭ بيلىگى حابارلادى.
52 ادام ءالى ءىز-ءتۇزسىز جوعالعاندار تىزىمىندە، توتەنشە جاعدايلار قىزمەتى ولاردىڭ ورنالاسقان جەرىن انىقتاۋ ءۇشىن بايلانىس ورناتا الماي وتىر. سوڭعى مالىمەتتەر بويىنشا، زارداپ شەككەندەردىڭ سانى 567 ادام.
تابيعي اپاتتان اسىرەسە يسيكاۆا پرەفەكتۋراسى زارداپ شەكتى: وندا كەم دەگەندە 1370 ءۇي تولىق نەمەسە ءىشىنارا قيرادى، ءورت سالدارىنان 300 دەن استام عيمارات ءبۇلىندى. ەنەرگەتيكتەردىڭ ايتۋىنشا، ايماقتا 13,5 مىڭ ءۇي جارىقسىز قالدى.
سونىمەن قاتار، يسيكاۆا پرەفەكتۋراسىنىڭ 22 اۋدانىندا 3,1 مىڭعا جۋىق ادام وقشاۋ قالىپ قويدى. جاپونيانىڭ قۇتقارۋ قىزمەتتەرى جەرگىلىكتى تۇرعىندارعا جەر سىلكىنىسىنەن كەيىن جولداردىڭ وپىرىلىپ قالۋىنا بايلانىستى جەتە الماي وتىر.
