جاپونياداعى جەر سىلكىنىسىنەن كەيىن 2,44 ميلليون توننادان استام قالدىق پايدا بولدى

استانا. KAZINFORM - يسيكاۆا پرەفەكتۋراسىنىڭ ۇكىمەتى نوتو تۇبەگىندە بولعان 7,6 بالدىق جەر سىلكىنىسىنەن 2,44 ميلليون توننادان استام قالدىق قالعانىن حابارلادى، دەپ جازادى The Japan Times باسىلىمى.

تابيعي اپاتتان كەيىنگى قالدىق كولەمى پرەفەكتۋرانىڭ ادەتتە جەتى جىل ىشىندە شىعاراتىن قالدىعىنىڭ مولشەرىنە تەڭ.

يسيكاۆا پرەفەكتۋراسى 2026 -جىلدىڭ ناۋرىز ايىنىڭ سوڭىنا دەيىن قالدىقتاردى قايتا وڭدەۋدى جوسپارلاپ وتىر.

قالدىقتار ۋاقىتشا ساقتاۋ ورىندارىنا جەتكىزىلىپ، جانعىش جانە جانبايتىن، اعاش، مەتال سىنىقتارىنا سۇرىپتاۋ جاسالادى. سودان كەيىن پرەفەكتۋرانىڭ سىرتىنداعى وڭدەۋ مەكەمەسىنە جەتكىزىلەدى.

بۇعان دەيىن جەر سىلكىنىسىنىڭ ينفراقۇرىلىمدىق شىعىنى 17,6 ميلليارد دوللارعا جەتۋى مۇمكىن ەكەنى حابارلانعان بولاتىن.