جاپونيادا پوليتسيا سۋپەرماركەتكە كىرىپ كەتكەن ايۋدى ەكى كۇن دەگەندە ازەر ءولتىردى
استانا. KAZINFORM - دۇيسەنبى كۇنى جاپونيانىڭ سولتۇستىك- شىعىسىنداعى سۋپەرماركەتتە ەكى كۇن تايراڭداعان ايۋ ۇستالدى دەپ حابارلادى پوليتسيا. جابايى جانۋار قىزمەتكەرگە شابۋىل جاساپ قانا قويماي، دۇكەننەن ەت جەپ تاماقتانعان، دەپ حابارلايدى Kyodo News اقپارات اگەنتتىگى.
بويى ءبىر مەترگە جۋىق ايۋ اكيتا پرەفەكتۋراسىنداعى سۋپەرماركەتتە ۇستالدى. بيلىك ەكى جەرگە تۇزاق قۇرىپ، ىشىنە بال، الما جانە نان سالعان. ايۋ تۇزاققا ءتۇسىپ ۇستالدى. جانۋاردى ىزدەۋ ءۇشىن كامەراسى بار درون دا پايدالانىلدى، ءبىراق بۇل ارەكەت ءساتسىز اياقتالدى. وسى ۋاقىتتا ايۋ دۇكەننىڭ ەت بولىمىنە كىرۋ مۇمكىندىگىن پايدالانىپ ۇلگەردى.
- ايۋ سۋپەرماركەتكە سەنبى كۇنى تاڭەرتەڭ 20 عا جۋىق قىزمەتكەر جۇمىس كۇنىن باستاۋعا دايىندالىپ جاتقان كەزدە كىرگەن. جانۋار 47 جاستاعى ەر ادامعا شابۋىل جاساپ، بەتىن جاراقاتتاعان، - دەپ حابارلادى پوليتسيا.
ايۋ كىرگەن كەزدە سۋپەرماركەت جابىق بولدى.
