جاپونيادا قازاقستاندىق زىعىر مايىنا سۇرانىس جوعارى

استانا. KAZINFORM – ق ر ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆا «دجاتەكو» جاپون كومپانياسىنىڭ وكىلدەرىمەن كەزدەسۋ وتكىزدى. بۇل تۋرالى اتالعان مينيسترلىكتىڭ باسپا ءسوز قىزمەتى حابارلادى.

كەزدەسۋدە قازاقستاننىڭ زىعىر جانە باسقا دا مايلارىن كۇنشىعىس ەلىنە ەكسپورتتاۋ مۇمكىندىكتەرى تالقىلاندى. جاپونياداعى قازاقستاندىق زىعىر مايىنا سۇرانىس ءبىز كۇتكەننەن الدەقايدا جوعارى بولدى. جاپون تۇتىنۋشىلارى بۇل ءونىمنىڭ ساپاسىن جوعارى باعا بەرىپ وتىر. «دجاتەكو» كومپانياسىنىڭ ديرەكتورى انتون كيمنىڭ ايتۋىنشا، ونىڭ دەنساۋلىققا پايدالى قاسيەتتەرى مايدىڭ ەرەكشە تانىمال بولۋىنا ىقپال ەتتى.

بۇگىنگى تاڭدا قازاقستاندىق زىعىر مايى جاپونداردىڭ سەنىمىنە يە بولىپ، ولاردىڭ كۇندەلىكتى راتسيونىنىڭ اجىراماس بولىگىنە اينالعان. جاپونيانىڭ زىعىر مايىنا جىل سايىنعى قاجەتتىلىگى شامامەن 10 مىڭ توننانى قۇرايدى، بۇل قازاقستاننان بۇعان دەينى جىبەرىلگەن كولەمىنەن الدەقايدا اسىپ تۇسەدى. سۇرانىستى قاناعاتتاندىرۋ ءۇشىن «دجاتەكو» جاقىن ارادا قازاقستاندىق زىعىر مايىنىڭ يمپورتىن جىلىنا 3 مىڭ تونناعا دەيىن ارتتىرۋدى، سونداي- اق سافلور جانە ماقتا مايلارىن جەتكىزۋدى كەڭەيتۋدى جوسپارلاپ وتىر.

كەزدەسۋدىڭ باستى تاقىرىپتاردىڭ ءبىرى- لوگيستيكا ماسەلەسى بولدى. قازاقستان رەسپۋبليكاسىنىڭ ساۋدا جانە ينتەگراتسيا ءبىرىنشى ۆيتسە- ءمينيسترى ايجان بيجانوۆا قازاقستان ازيا ەلدەرىمەن تۇراقتى تاۋار اينالىمىن نىعايتۋدى كوزدەيتىنىن ايتتى. ول كولىك مارشرۋتتارىن وڭتايلاندىرۋ جانە جاپوندىق سەرىكتەستەر ءۇشىن كۇتۋ ۋاقىتىن قىسقارتۋ ماقساتىندا ق ر كولىك مينيسترلىگىمەن جانە «ق تج » ۇلتتىق كومپانياسىمەن جۇمىس كەڭەستەرىن وتكىزۋدى ۇسىندى. بۇل بارلىق تاراپتار ءۇشىن ىنتىماقتاستىقتى ءتيىمدى جانە پايدالى ەتۋگە ىقپال ەتەتىن قادامدار.

ايتا كەتۋ كەرەك، 2024 -جىلدىڭ العاشقى 9 ايىنىڭ قورىتىندىسى بويىنشا قازاقستان وسىمدىك مايلارىن ەكسپورتتاۋدا ەلەۋلى ءوسىم كورسەتتى. قاڭتار-تامىز ايلارى ارالىعىندا جاپونياعا 93 توننا ماي ەكسپورتتالىپ، 122,4 مىڭ ا ق ش دوللارىن قۇرادى، بۇل وتكەن جىلدىڭ وسى كەزەڭىمەن سالىستىرعاندا 4,5 ەسە كوپ. ەكسپورتتىڭ نەگىزگى بولىگىن زىعىر جانە كۇنباعىس مايلارى قۇراپ، قازاقستانعا الەمدىك نارىقتا تۇراقتى ورىن الۋعا مۇمكىندىك بەرۋدە. جالپى، وسى سەكتورداعى قازاقستاننىڭ تاۋار اينالىمىنىڭ جالپى كولەمى 321,9 ميلليون دوللاردى قۇراپ، ونىڭ ىشىندە 297,5 ميلليون دوللار ەكسپورتقا تيەسىلى بولدى.

جاپون نارىعىندا ءۇشىن سافلور جانە ماقتا مايلارى نا سۇرانىس تۋىپ وتىر. ولاردىڭ جىلدىق قاجەتتىلىگى سايكەسىنشە 4 مىڭ جانە 5 مىڭ توننانى قۇرايدى. «دجاتەكو» كومپانياسى سافلور مايىنىڭ جەتكىزىلىم كولەمىن 1 مىڭ تونناعا، ماقتا مايىن 2,5 مىڭ تونناعا دەيىن ارتتىرۋ نيەتى بار ەكەنىن مالىمدەدى. بۇل قازاقستاندىق وندىرۋشىلەر ءۇشىن جاڭا مۇمكىندىك بەرىپ، ەكى ەل اراسىنداعى ىنتىماقتاستىقتى نىعايتا تۇسەدى.

ايجان بيجانوۆا جاپوندىق سەرىكتەستەرگە قازاقستاندىق ونىمدەرگە دەگەن قىزىعۋشىلىقتارى ءۇشىن العىسىن ءبىلدىرىپ، جاپونيامەن ساۋدا-ەكونوميكالىق ءوزارا ءىس-قيمىلدى ودان ءارى تەرەڭدەتۋدىڭ ماڭىزدىلىعىن اتاپ ءوتتى.