جاپونيادا نوسەر جاۋىن سالدارىنان التى ادام مەرت بولدى

استانا. KAZINFORM -جاپونيانىڭ يسيكاۆا پرەفەكتۋراسىندا رەكوردتىق مولشەردە جاۋعان نوسەر جاۋىننان سوڭ التى ادام مەرت بولىپ، ەكەۋى ءىز- ءتۇزسىز جوعالعان، تاعى 8 اداممەن بايلانىس جوق، دەپ حابارلادى NHK.

ريا نوۆوستي اگەنتتىگىنىڭ جازۋىنشا، ناكايا توننەلىندە كوشكىن ءجۇرىپ، 10 ادام شىعا الماي قالعان. ولاردىڭ ەكەۋى مەرت بولدى. سونىمەن قاتار ادامداردىڭ دەنەسى قۇلاعان ءۇيدىڭ استىنان تابىلدى. ءبىر ادامنىڭ دەنەسى وزەن ماڭىنان تابىلعان.

تابيعي اپاتتان اسىرەسە نوتو پوسەلكەسى مەن ۆادزيما جانە سۋدزۋ قالالارى قاتتى زارداپ شەككەن. بۇل قالالار بيىلعى جىلدىڭ 1-قاڭتارى كۇنى بولعان جەر سىلكىنىسىنەن دە قاتتى زارداپ شەككەن ەدى.

دەمالىس كۇندەرى يسيكاۆا پرەفەكتۋراسىنداعى 7 قالا مەن اۋىلداردا 131,4 مىڭ ادامعا ەۆاكۋاتسيا جاريالاندى.

سەنبى كۇنى ۆادزيما قالاسىندا جاۋىن رەكوردتىق مولشەردە تۇسكەنى بەلگىلى بولدى. ناقتىراق ايتقاندا مۇندا تۇسكەن ىعالدىڭ كولەمى 24 ساعاتتا 300 ميليمەتردى قۇرادى. بۇل 1975 -جىلدان بەرگى رەكوردتىق كورسەتكىش. سۋدزۋ قالاسىنا 24 ساعاتتا 200 ميلليمەتردەن استام ىلعال تۇسكەن. جاڭبىر جەكسەنبى كۇنى دە جاۋدى.