جاپونيادا كۇشتى جەر سىلكىنىسىنەن كەيىن سۋنامي تۋرالى ەسكەرتۋ جاريالاندى
استانا. KAZINFORM - دۇيسەنبى كۇنى جاپونيانىڭ سولتۇستىك-شىعىسى مەن سولتۇستىگىندە الدىن الا ەسەپ بويىنشا ماگنيتۋداسى 7,5 كۇشتى جەر سىلكىنىسى بولىپ، سودان كەيىن سۋنامي تۋرالى ەسكەرتۋ جاريالاندى، دەپ حابارلايدى Kyodo.
جەر سىلكىنىسىنىڭ ماگنيتۋداسى باستاپقىدا 7,4 دەپ باعالانعان، ءبىراق كەيىنىرەك جوعارى قاراي قايتا قارالدى.
قۇربان بولعاندار مەن جاراقات العاندار تۋرالى اقپارات تۇسكەن جوق.
جاپونيانىڭ مەتەورولوگيالىق اگەنتتىگىنىڭ مالىمەتىنشە، جەر سىلكىنىسىنىڭ وشاعى 10 شاقىرىم تەرەڭدىكتە ورنالاسقان.
اگەنتتىك حوككايدو، اوموري جانە يۆاتە پرەفەكتۋرالارىنىڭ تىنىق مۇحيتى جاعالاۋلارى ءۇشىن تسۋنامي تۋرالى ەسكەرتۋ جاريالاپ، جاقىن ارادا بيىكتىگى 3 مەترگە جەتەتىن سۋنامي بولادى دەپ بولجادى.
يۆاتە پرەفەكتۋراسىنداعى كۋدزي پورتىندا بيىكتىگى 80 سانتيمەتر سۋنامي تىركەلدى.
اوموري مەن مياگي پرەفەكتۋرالارىنداعى حيگاسيدوري جانە وناگاۆا اتوم ەلەكتر ستانتسيالارىنىڭ، سونداي-اق فۋكۋسيما پرەفەكتۋراسىنداعى فۋكۋسيما-دايچي جانە دايني ا ە س وپەراتورلارىنىڭ مالىمەتىنشە، ەشقانداي اۋىتقۋلار تىركەلگەن جوق.
توكيو مەن سين-اوموري ستانسيالارى اراسىنداعى Tohoku Shinkansen جۇردەك پويىزىنىڭ قاتىناسى توقتاتىلدى.
پرەمەر-مينيستر ساناە تاكايتي سۋنامي تۋرالى ەسكەرتۋلەر مەن كەڭەستەر بەرىلگەن ايماقتاردىڭ تۇرعىندارىن قاۋىپسىز جەرگە كوشۋگە شاقىردى.
ەسكە سالساق، وتكەن اپتادا كاسپي تەڭىزىندە ماگنيتۋداسى 4,6 بالدىق جەر سىلكىنىسى بولدى.
