جاپونيادا جەر سىلكىنىسىنەن زارداپ شەككەندەرگە ۋاقىتشا باسپانا سالىنا باستادى

жер сілкінісі жапония
Фото: Kyodo

جەرگىلىكتى بيلىك جۇما كۇنى جاپونيانىڭ ورتالىق بولىگىندە ماگنيتۋداسى 7,6 بالدىق جەر سىلكىنىسىنەن ۇيلەرى زارداپ شەككەندەرگە ۋاقىتشا باسپانا سالۋعا كىرىستى.

Kazinform اگەنتتىگى بۇل تۋرالى Kyodo News-كە سىلتەمە جاساپ حابارلايدى.

يسيكاۆا پرەفەكتۋراسىنىڭ ۇكىمەتى ۆادزيما مەن سۋدزۋدا 115 ۋاقىتشا ءۇيدىڭ قۇرىلىسىن باستاپ، ونى ءبىر اي ىشىندە اياقتاۋدى ماقسات ەتتى.

ۋاقىتشا باسپانا جالعىزباستى ادامدار، وتباسىلارعا قۇراما نەمەسە اعاش ءبىر قاباتتى ۇيلەر سالىنادى.

پرەفەكتۋرا سونداي-اق نوتو جانە اناميدزۋ قالالارىندا 60 ۋاقىتشا تۇرعىن ءۇي قۇرىلىسىن باستاۋدى جوسپارلاپ وتىر.

تابيعي اپاتى كەزىندە زارداپ شەككەندەرگە كومەك كورسەتۋ تۋرالى زاڭعا سايكەس، جەرگىلىكتى بيلىك ۋاقىتشا باسپانانى ەكى جىلعا دەيىن نەمەسە زارداپ شەككەندەر بالاما باسپانا تاپقانشا تەگىن بەرەدى.

ءزىلزالا سالدارىنان قازا تاپقاندار سانى 215 ادامدى قۇرادى. ولاردىڭ ىشىندە 10 ادام دەنساۋلىعىنىڭ ناشارلاۋىنان، كەيبىر جاعدايلاردا ەۆاكۋاتسيا كەزىندەگى كۇيزەلىسكە بايلانىستى قايتىس بولدى دەپ شامالانىپ وتىر.

37 ادام ءىز-ءتۇزسىز جوعالدى، ەۆاكۋاتسيالانعاندار سانى - 24038 ادام.

شامامەن 2500 ادام جولداردىڭ بۇزىلۋىنا بايلانىستى وقشاۋلانعان.

بۇعان دەيىن جاپونيادا جەر سىلكىنىسى قۇرباندارىنىڭ سانى 213 ادامعا جەتكەنى تۋرالى جازعان ەدىك.

سوڭعى جاڭالىقتار