جاپونيادا جەر سىلكىندى
استانا. KAZINFORM - بەيسەنبى كۇنى جاپونيانىڭ سولتۇستىك-شىعىسىندا ماگنيتۋداسى 6,0 بالدىق جەر سىلكىنىسى بولدى. تسۋنامي تۋرالى ەسكەرتۋ جاريالانعان جوق، دەپ حابارلايدى Kyodo News اقپارات اگەنتتىگى.
جەر سىلكىنىسى يۆاتە، مياگي جانە فۋكۋسيما پرەفەكتۋرالارىندا جاپونيانىڭ سەيسميكالىق قۇبىلىستار قارقىنىنىڭ 7 بالدىق شكالاسى بويىنشا 4-دەڭگەيدە تىركەلدى.
جەر سىلكىنىسىنىڭ وشاعى فۋكۋسيما پرەفەكتۋراسىنىڭ جاعالاۋىندا، شامامەن 40 شاقىرىم تەرەڭدىكتە جاتىر.
يادرولىق رەتتەۋ ورگانىنىڭ مالىمەتىنشە، فۋكۋسيما-1 نەمەسە فۋكۋسيما-2 اتوم ەلەكتر ستانسيالارىندا ەشقانداي اۋىتقۋلار انىقتالعان جوق.
سەيسەنبى كۇنى جاپونيانىڭ سولتۇستىك-شىعىسىندا جەر سىلكىندى جانە اوموري پرەفەكتۋراسىنداعى حاچينوحا مەن ميساۆادا، سونداي-اق يۆاتە پرەفەكتۋراسىنداعى مياكو مەن كۋدزيدە جاپونيانىڭ سەيسميكالىق قۇبىلىستار قارقىنىنىڭ 7 بالدىق شكالاسى بويىنشا 5-دەڭگەيدەن تومەن بولعانى تىركەلدى.
مەتەورولوگيالىق دەپارتامەنت زارداپ شەككەن ايماقتاردا جەر سىلكىنىسى شامامەن ءبىر اپتاعا سوزىلۋى مۇمكىن ەكەنىن ەسكەرتتى.
سونداي-اق ناۋرىز ايىندا جاپونيانىڭ سولتۇستىك-شىعىسىندا ماگنيتۋداسى 5,8 بولعان جەر سىلكىنىسى فۋكۋسيما پرەفەكتۋراسىندا جانە مياگي، يباراكي جانە توچيگي پرەفەكتۋرالارىنىڭ كوپتەگەن اۋداندارىندا تىركەلدى.
