09:26, 03 - قاڭتار 2024 | GMT +5
جاپونيادا ۇشاق اپاتقا ۇشىراپ، قازا تاپقاندار سانى بەلگىلى بولدى
جاپونيا استاناسىنىڭ اۋەجايىندا جولاۋشىلار لاينەرى مەن كولىك ۇشاعىنىڭ سوقتىعىسۋىنان ەكيپاجدىڭ 5 مۇشەسى قازا بولعانى راستالدى، دەپ حابارلايدى Kazinform اگەنتتىگى 24.kz سايتىنا سىلتەمە جاساپ.
سايتتاعى مالىمەتتەرگە قاراعاندا ۇشاقتا بولعانداردىڭ بارلىعى جاعالاۋ كۇزەتى ۇشاعىنىڭ ەكيپاج مۇشەلەرى.
اراسىندا ءبىر ادام عانا امان قالعان. ول - اۋە كەمەسىنىڭ كاپيتانى. قازىر ول اۋىر جاراقاتپەن اۋرۋحانادا جاتىر. ال Japan Airlines كەمەسىندەگى جولاۋشىلار اراسىندا قازا تاپقاندار جوق. جەرگىلىكتى بيلىك بورتتا بولعان بارلىق 400 ادام ەۆاكۋاتسيالانعانىن مالىمدەدى.
اپاتقا نە سەبەپ بولعانى بەلگىسىز.
