جاپونيادا ءزىلزالادان كوز جۇمعاندار سانى 65 كە جەتتى
جاپونيانىڭ ورتالىعىندا بولىپ جاتقان ءزىلزالا قۇرباندارىنىڭ سانى 65 ادامعا جەتتى. وعان وڭىرلىك بيلىك وكىلدەرى جاريالاعان دەرەكتەر دالەل بولىپ وتىر.
Kazinform بۇل تۋرالى ت ا س س- قا سىلتەمە جاساپ حابارلايدى.
100 دەن استام ادام ءتۇرلى جاراقات العان.
قازا تاپقاندار مەن جارالانعانداردىڭ كوبى - توقتاماي جاتقان جەر سىلكىنىسى ورتالىعىنا اينالعان يسيكاۆا پرەفەكتۋراسى تۇرعىندارى.
ونداعان ءزىلزالا سالدارىنان ءورت تۇتانىپ، 200 دەن استام تۇرعىن ءۇي كۇلگە اينالدى، 100 دەن استام نىساندى جەراستى ءدۇمپۋى قيراتتى.
قۇتقارۋشىلار، جەدەل قىزمەت وكىلدەرى مەن ەلدىڭ قورعانىس كۇشى اسكەرى ۇيىندىلەردى جيناپ، ادامداردى ىزدەپ جاتىر.
بۇگىن تاڭنان بەرى زارداپ شەككەن اۋدانداردا جاڭبىر توقتاماي تۇر.
جۋرناليستەرگە جاپونيا مينيسترلەر كابينەتىنىڭ باس حاتشىسى ەسيماسا حاياسيدىڭ حابارلاۋىنشا، قازىرگى ۋاقىتتا ەۆاكۋاتسيالىق ورتالىقتاردا 32,5 مىڭعا جۋىق ادام بار.
جەر سىلكىنىسى باستالعاننان كەيىنگى ءبىرىنشى كۇندەرى جاپونيانىڭ ورتالىق جانە باتىستاعى بولىگىنىڭ 60 مىڭنان استام تۇرعىنى ءۇيىن تاستاپ كەتۋگە ءماجبۇر بولدى.
33 مىڭنان استام ءۇي جارىقسىز وتىر، زارداپ شەككەن اۋدانداردا ينتەرنەت پەن موبيلدى بايلانىس ناشارلاعان. كەي اۋىلداردا سۋمەن جابدىقتاۋ ماسەلەلەرى تۋىندادى.
بۇعان دەيىن جاپونيانىڭ ورتالىق بولىگىندە بىرنەشە كۇشتى جەر سىلكىنىسى تىركەلگەنىن حابارلاعان بولاتىنبىز.
ەلدىڭ ۇلتتىق مەتەورولوگيالىق باسقارماسىنىڭ مالىمەتىنشە، يسيكاۆا جانە نييگاتا پرەفەكتۋرالارى ايماعىندا ماگنيتۋداسى 7,4 كە جەتەتىن جەر سىلكىنىسى بولدى.
جاپونيا پرەمەر-ءمينيسترى فۋميو كيشيدا جەر سىلكىنىسىنەن زارداپ شەككەن اۋداندارعا باراتىن نەگىزگى جولدار قاتتى زاقىمدانعانىن، بۇل اسكەريلەردىڭ قۇتقارۋ جۇمىسىنا كەدەرگى كەلتىرگەنىن ايتتى.
كەشە تابيعي اپات سالدارىنان كەمىندە 55 ادام مەرت بولعانى حابارلانعان. يسيكاۆا، نيگاتا، فۋكۋي، توياما جانە گيفۋ پرەفەكتۋرالارىنا قاتتى زاقىم كەلدى.
