12:25, 08 - قازان 2025 | GMT +5
جاپونيادا ايۋلاردىڭ ادامدارعا شابۋىلى رەكوردتىق دەڭگەيگە جەتتى
استانا. KAZINFORM - قىركۇيەك ايىندا جاپونيادا ايۋدىڭ ادامدارعا شابۋىلى سوڭعى ون جىلداعى ەڭ جوعارى كورسەتكىشكە جەتتى، دەپ حابارلايدى Belta.
وتكەن ايدا جىرتقىش اڭنان 39 ادام زارداپ شەككەن. ماماندار بۇل سوڭعى 10 جىلداعى ەڭ جوعارى كورسەتكىش ەكەنىن ايتادى.
ەلدە ءساۋىر ايىنان قىركۇيەك ايىنىڭ سوڭىنا دەيىن ايۋدان 109 ادام زارداپ شەگىپ، ونىڭ بەسەۋى قايتىس بولدى. قازان ايىنىڭ العاشقى اپتاسىندا ايۋلار 17 ادامعا تاپ بەرگەنى انىقتالدى. ونىڭ بىرەۋى جىرتقىش اڭنىڭ شابۋىلىنان قازا تاپتى. ال كۇنى كەشە عانا گۋنما پرەفەكتۋراسىندا ايۋ سۋپەرماركەتكە كىرىپ، ەكى ادامدى جاراقاتتادى.
ساراپشىلار ايۋدىڭ شابۋىلىن ايماقتارداعى ءداندى- داقىلداردىڭ ەگىستىگىمەن بايلانىستىرادى.
