جاپونيا وربيتاعا اعاشتان جاسالعان شاعىن جەرسەرىگىن ۇشىرادى
استانا. KAZINFORM - جاپون عالىمدارى الەمدەگى ءداستۇرلى عارىش اپپاراتتارىنان ەرەكشە، مينياتيۋرالىق اعاش سپۋتنيكتى جاساپ شىعاردى.
ازەرتادج اگەنتتىگىنىڭ حابارلاۋىنشا، LignoSat زوندىنىڭ اتاۋىن العان تۋىندى ماگنوليا اعاشىنان جاسالعان. ول حالىقارالىق عارىش ستانتسياسىنىڭ (ح ع س) بورتىندا جۇرگىزىلگەن ەكسپەريمەنتتەر كەزىندە مۇقيات تەكسەرىلگەن. ماگنوليا اعاشى ەرەكشە تۇراقتىلىققا يە جانە قاتتى سەلكىلدەۋگە ءتوزىمدى. قۇرىلعى وسى جازدا ىسكە قوسىلادى دەپ جوسپارلانعان.
كولەمى كوفە شىنىاياعىنداي عانا سپۋتنيك وربيتادا ءبىرقاتار ەكسپەريمەنتتەردەن وتەدى.
- سپۋتنيك مىندەتتەرىنىڭ ءبىرى - اعاش كونسترۋكسيانىڭ كەڭىستىكتەگى دەفورماتسياسىن ولشەۋ. اعاش ءبىر باعىتتا بەرىك جانە تۇراقتى، ءبىراق باسقا باعىتتا ولشەمدىك وزگەرىستەرگە جانە جارىقشاقتارعا بەيىم بولۋى مۇمكىن، دەيدى جوبا مەنەدجەرى كودزي مۋراتا.
زوند عارىشتا كەمىندە التى اي جۇمىس ىستەيدى جانە ميسسيا اياقتالعاندا اتموسفەرانىڭ جوعارعى قاباتىنا قايتا كىرەدى دەپ جوسپارلانعان.
