جاپونيا سوڭعى التىنشى بۋىن جويعىش ۇشاعىنىڭ ەكسپورتىنا رۇقسات بەردى

жапония
فوتو: freepik.com

استانا. KAZINFORM - جاپونيا ۇكىمەتى قورعانىس تەحنيكاسىن ەكسپورتتاۋعا قويىلعان شەكتەۋلەردى جەڭىلدەتەتىن قارار قابىلدادى، بۇل ەلدىڭ باسقا ەلدەرگە ۇلى بريتانيا جانە يتاليامەن بىرلەسىپ جاساپ جاتقان سوڭعى جويعىش ۇشاعىن جەتكىزۋگە مۇمكىندىك بەرەدى. بۇل تۋرالى ەلدىڭ مينيسترلەر كابينەتى حابارلادى، دەپ جازادى ت ا س س.

پرەمەر-مينيستر فۋميو كيسيدو باستاعان ۇكىمەت وتىرىسىندا قورعانىس تەحنيكاسى مەن تەحنولوگياسىن ەكسپورتتاۋ ەرەجەلەرىنىڭ جاڭارتىلعان نۇسقاسى بەكىتىلدى. وسى ايدىڭ باسىندا جاپونيانىڭ بيلەۋشى ليبەرالدىق-دەموكراتيالىق پارتياسى مەن ونىڭ كىشى كواليتسيالىق سەرىكتەسى كومەيتو پارتياسى زاڭناماعا سايكەس تۇزەتۋلەر ەنگىزۋ قاجەتتىلىگى تۋرالى كەلىستى.

ءبىراق ەكسپورتقا رۇقسات ەتىلەتىن ەلدەردىڭ ءتىزىمى شەكتەۋلى. وعان حالىقارالىق كەلىسىمدەردىڭ قاتىسۋشىلارى - جاپونيا قورعانىس تەحنولوگيالارى مەن جابدىقتارىن بەرە الاتىن مەملەكەتتەر عانا كىرەدى. سوندىقتان ولاردى ب ۇ ۇ جارعىسىنىڭ ماقساتتارى مەن پرينتسيپتەرىنە سايكەس پايدالانۋعا مىندەتتەنەدى. تىزىمگە اۋستراليا، ۇلى بريتانيا، ۆەتنام، گەرمانيا، ءۇندىستان، يندونەزيا، يتاليا، مالايزيا، ب ا ءا، ا ق ش، سينگاپۋر، تايلاند، فيليپپين، فرانسيا، شۆەتسيا كىرەدى. سوعىس قيمىلدارى ءجۇرىپ جاتقان ەلدەرگە ەكسپورتتالمايدى.

2022 - جىلدىڭ جەلتوقسانىندا جاپونيا، يتاليا جانە ۇلى بريتانيا 2035 - جىلعا دەيىن دايىن بولۋى كەرەك جاڭا بۋىن جويعىش ۇشاعىن بىرلەسىپ جاساۋعا كەلىستى.

سايكەس باعدارلامالار - لوندون مەن ريم جۇزەگە اسىرعان Tempest جانە جاپوندىق Global Combat Air Program دەگەن اتپەن بىرىكتىرىلدى. جوبا ا ق ش پەن ە و-نىڭ ازىرلەمەلەرىنە بالاما بولاتىن جويعىش ۇشاعىن جاساۋعا باعىتتالعان.

جوباعا ءۇش ەلدىڭ كومپانيالارى قاتىسادى. 2023 - جىلدىڭ ناۋرىز ايىندا جاپوندىق Mitsubishi Electric كورپوراتسياسى، يتاليالىق لەوناردو كومپانياسى، ونىڭ بريتاندىق ەنشىلەس كاسىپورنى Leonardo UK جانە يتاليالىق Elettronica التىنشى بۋىندى جويعىش ۇشاعىن جاساۋ بويىنشا ىنتىماقتاستىق تۋرالى كەلىسىمگە وتىردى.

اۆتور
ەركەجان سماعۇلوۆا

سوڭعى جاڭالىقتار