جاپونيا رەپرودۋكتيۆتىلىگىن جويماي-اق جىنىس اۋىستىرۋعا رۇقسات بەردى

Фото: pexels.com
Фото: Kazinform

جاپونيا جوعارعى سوتى جىنىس اۋىستىرۋ تۋرالى وتا جاساۋ الدىندا رەپرودۋكتيۆتىلىگىن جويۋ قاجەت دەگەن تالاپتى الىپ تاستاپ، تاريحي قاۋلى قابىلدادى.

Kazinform بۇل تۋرالى NHK World-Japan اگەنتتىگىنە سىلتەمە جاساپ حابارلايدى.

تۋعان كەزدە ەر بولىپ تىركەلگەن، ءبىراق قازىر ءوزىن ايەلگە تەڭەيتىن ادام وتباسى ىستەرى بويىنشا سوتقا جۇگىنىپ، حيرۋرگتى ارالاستىرماي جىنىس اۋىستىرۋعا رۇقسات بەرۋدى سۇرادى. ول بۇل ەرەجەنى ءماجبۇرلى تۇردە ساقتاۋ ونىڭ قۇقىعى مەن كونستيتۋتسيانى بۇزاتىنىن ايتتى.

وتباسىلىق سوت، ودان كەيىن جوعارعى سوت ءوتىنىشتى قابىلدامادى. ءبىراق جوعارعى سوت القاسى سارسەنبى كۇنى بۇل تالاپ راسىندا كونستيتۋتسيانى بۇزاتىنىن ءمالىم ەتىپ، ءىستى قايتا قاراۋدى تاپسىردى.

قازىرگى جاپون زاڭناماسى بويىنشا، رەسمي قۇجاتتارداعى ادام جىنىسىن تەك بەلگىلى ءبىر ەرەجەلەردى ساقتاعاندا عانا وزگەرتۋگە بولادى. ماسەلەن، ادامنىڭ تۋعان كەزدەگى رەپرودۋكتيۆتى قىزمەتتەرى بولماۋى كەرەك. بۇل ەرەجە ادامنان حيرۋرگتىڭ ارالاسۋىن تالاپ ەتىپ تۇر.

ەكىنشى دۇنيەجۇزىلىك سوعىس بىتكەننەن كەيىن وسىمەن ون ەكىنشى رەت زاڭ ەرەجەسى كونستيتۋتسيانى بۇزادى دەپ تانىلدى. جاپونيا سەيمى زاڭدى قايتا قاراۋعا ءماجبۇر.

جاپونيا - جىنىس اۋىستىرۋ ءۇشىن حيرۋرگتىڭ ارالاسۋىن تالاپ ەتەتىن 18 ەلدىڭ ءبىرى. دۇنيەجۇزىلىك دەنساۋلىق ساقتاۋ ۇيىمى (د د س ۇ) وعان قارسى.

ارگەنتينا مەن دانيانى قوسقاندا، كەم دەگەندە 17 ەل ترانسگەندەرلەرگە ءوز بەتىمەن جىنىسىن انىقتاۋعا مۇمكىندىك بەرەدى.

سوڭعى جاڭالىقتار