جاپونيا قازاقستان كومپانياسىنا سانكسيا ەنگىزدى
جاپونيا ۋكرايناداعى سوعىسقا بايلانىستى رەسەيگە قارسى قوسىمشا سانكتسيالار ەنگىزۋدى ماقۇلدادى. بۇل شەكتەۋلەر قازاقستاننىڭ ءبىر ۇيىمىنا دا اسەر ەتتى، - دەپ حابارلايدى Nikkei.
بۇل تۋرالى جاپونيا مينيسترلەر كابينەتىنىڭ وتىرىسىندا بەلگىلى بولدى. ەكسپورتقا تىيىم سالىنعان تاۋارلار تىزىمىنە كران قوزعالتقىشتارىنىڭ بولشەكتەرى مەن باسقا دا ارنايى جابدىقتارعا ارنالعان بولشەكتەردى، سونداي- اق شاعىن موتوتسيكلدەردى قوساتىن 335 پوزيتسيا ەنگىزىلدى. بۇل تىيىم رەسەيدىڭ ونەركاسىپتىك الەۋەتىن كۇشەيتۋى مۇمكىن.
سونىمەن قاتار حيميالىق قارۋ جاساۋ ءۇشىن پايدالانىلۋى مۇمكىن كاپسايتسين سىندى حيميالىق زاتتار دا تىيىم سالىنعان زاتتار قاتارىنا ەنگىزىلدى. بۇل تاۋارلاردىڭ ەكسپورتىنا قويىلعان شەكتەۋ 23 - قاڭتاردا كۇشىنە ەنەدى.
ۇكىمەت شەشىمىندە سانكتسيالاردى اينالىپ وتۋدە رەسەيگە كومەكتەسەدى دەپ كۇدىككە ىلىنگەن التى ەلدەگى 31 ۇيىمعا ەكسپورتقا تىيىم سالۋ دا قاراستىرىلعان. بۇل ەلدەر قاتارىندا قازاقستان، بىرىككەن اراب امىرلىكتەرى (ب ءا ا) ، قىتاي، قىرعىزستان، تايلاند جانە تۇركيا بار. سانكتسيالار ەنگىزىلگەن ۇيىمداردىڭ اتاۋلارى ەسەپتە كورسەتىلمەگەن. وسىعان بايلانىستى قازاقستاننىڭ يندۋستريا جانە قۇرىلىس مينيسترلىگىنىڭ باسپا ءسوز قىزمەتىنە قوسىمشا اقپارات الۋ ءۇشىن سۇراۋ سالىندى.
سونىمەن بىرگە، رەسەيدىڭ 11 جەكە تۇلعاسى، 29 ۇيىمى جانە 3 بانكى اكتيۆتەردى بۇعاتتاۋ تىزىمىنە ەنگىزىلدى. بۇعان قوسا، رەسەيلىك ەمەس ءبىر جەكە تۇلعانىڭ جانە ءبىر بانكتىڭ اكتيۆتەرى بۇعاتتالدى.
جاپونيا مينيسترلەر كابينەتىنىڭ باس حاتشىسى ەسيماسا حاياشي باسپا ءسوز ءماسليحاتىندا جاپونيانىڭ ۋكراينا توڭىرەگىندەگى جاعدايدى رەتتەۋگە باعىتتالعان حالىقارالىق كۇش- جىگەرگە ۇلەس قوسۋدى جالعاستىراتىنىن جانە جەتى ءىرى ەكونوميكا توبىنداعى (G7) ەلدەرمەن بىرلەسە جۇمىس ىستەيتىنىن مالىمدەدى.
Massaget.kz
