جاپونيا مەن ا ق ش كوشباسشىلارىنىڭ العاشقى كەزدەسۋى اقپان ايىندا ءوتۋى مۇمكىن
استانا. KAZINFORM - جاپونيا پرەمەر- ءمينيسترى سيگەرۋ يسيبا مەن ا ق ش پرەزيدەنتى دونالد ترامپتىڭ العاشقى كەزدەسۋى 7 - اقپاندا ۆاشينگتوندا ءوتۋى مۇمكىن. قازىرگى تاڭدا ەكى ەل ۇكىمەتتەرى بۇل ماسەلە بويىنشا سوڭعى كەلىسسوزدەردى جۇرگىزۋدە، دەپ حابارلايدى Kyodo News اقپارات اگەنتتىگى.

كەزدەسۋدىڭ باستى ماقساتى - جاپونيا مەن ا ق ش اراسىنداعى وداقتىق قاتىناستاردى نىعايتۋ. ەكى ەل قورعانىس پەن قاۋىپسىزدىك سالاسىنداعى ىنتىماقتاستىقتى كۇشەيتۋگە، سونداي- اق قىتاي مەن سولتۇستىك كورەياعا قاتىستى بىرلەسكەن ۇستانىم قالىپتاستىرۋعا مۇددەلى. سونىمەن قاتار، جاپونيانىڭ Nippon Steel كومپانياسىنىڭ U. S. Steel ءدى ساتىپ الۋ جوسپارىنا بايلانىستى ەكونوميكالىق ماسەلەلەر دە تالقىلانادى.
ترامپ جاپونيادان قورعانىسقا بولىنەتىن شىعىندى ارتتىرۋدى تالاپ ەتۋى مۇمكىن، ال يسيبا ءوز ۇكىمەتىنىڭ بۇل باعىتتاعى جاڭا ساياساتىن تۇسىندىرۋگە نيەتتى. سونداي-اق، ول جاپونيانىڭ اقش ەكونوميكاسىنا ءىرى ينۆەستور ەكەنىن اتاپ ءوتىپ، ينۆەستيتسيالاردى كەڭەيتۋ جوسپارىن ۇسىنباق.
- ءبىز بۇل كەزدەسۋدى تەزىرەك وتكىزۋدى قالايمىز. اشىق ديالوگ ارقىلى وداقتىق قاتىناستاردى جاڭا دەڭگەيگە كوتەرەمىز، - دەپ مالىمدەدى يسيبا.
بۇعان دەيىن جاپونيانىڭ ورتالىق بانكى سوڭعى 17 جىلدا مولشەرلەمەنى ەڭ جوعارى دەڭگەيگە كوتەرگەنىن جازعان بولاتىنبىز.