جاپونيا الەمدەگى ەكونوميكالىق ءۇشىنشى ورنىن گەرمانياعا بەردى

جاپونيا الەمدەگى ءۇشىنشى ەكونوميكا مارتەبەسىن گەرمانياعا بەرىپ، وتكەن جىلدىڭ سوڭعى توقسانىندا ىشكى سۇرانىستىڭ السىزدىگىنەن رەتسەسسياعا ۇشىرادى، دەپ جازادى Kyodo News.

جاپونيانىڭ نومينالدى جالپى ىشكى ءونىمى (ج ءى ءو) ينفلياتسيانى ەسەپتەمەگەندە 4,21 تريلليون دوللاردى قۇرادى.

بۇل كورسەتكىش بويىنشا جاپونيا دۇنيەجۇزىندە گەرمانيادان (4,46 تريلليون دوللار) كەيىن ءتورتىنشى ورىنعا شىقتى. بۇل - ۇلتتىق ۆاليۋتانىڭ كۇرت قۇلدىراۋى ەسەبىنەن بولدى.

مينيسترلەر كابينەتىنىڭ مالىمەتىنە سايكەس، قازان-جەلتوقسان ايلارىندا ەكونوميكا الدىڭعى توقسانمەن سالىستىرعاندا 0,1 پايىزعا جانە ءبىر جىلمەن سالىستىرعاندا 0,4 پايىز قىسقاردى، ويتكەنى ءۇي شارۋاشىلىقتارى مەن بيزنەستىڭ شىعىندارى ينفلياتسيا جاعدايىندا تومەندەدى.

ەلدەگى جەكە تۇتىنۋشىلىق 0,2 پايىز تومەندەدى، ءۇي شارۋاشىلىقتارى ءومىر ءسۇرۋ قۇنىنىڭ وسۋىمەن جانە ناقتى جالاقىنىڭ تومەندەۋىمەن كۇرەسەدى.

كۇردەلى شىعىندار دا 0,1 پايىزعا قىسقاردى.

مەملەكەتتىك ينۆەستيتسيالار 0,7 پايىزعا قىسقارىپ، ەكى توقسان قاتارىنان تومەندەدى.

ىشكى سۇرانىستىڭ السىزدىگىنە قاراماستان، كەلۋ تۋريزمىنىڭ قالپىنا كەلۋىنە بايلانىستى ەكسپورت ءوسۋدى جالعاستىرىپ، 2,6 پايىزعا ءوستى.