جاپوندىق كوميكستەر 5 جىل قاتارىنان ساتىلىم بويىنشا رەكورد جاڭارتىپ كەلەدى

استانا. KAZINFORM - جاپونيادا كوميكس (مانگا) ساتىلىمى 2024 -جىلى العاش رەت 700 ميلليارد يەننەن (44,67 ميلليارد دوللار) استى، دەپ حابارلايدى Kazinform Kyodo News كە سىلتەمە جاساپ.

مانگا كوميكستەرىنىڭ ساتىلىمى وتكەن جىلمەن سالىستىرعاندا %1,5 عا ءوستى.

وسىلايشا، بەسىنشى جىل قاتارىنان مانگا ساتىلىمىنىڭ رەكوردتىق كورسەتكىشتەرى تىركەلىپ وتىر. بۇل رەتتە جالپى سوماسى 704,3 ميلليارد يەنگە جۋىقتاعان كوميكستىڭ %72,7 ى سيفرلىق فورماتتا ساتىلعانىن ايتا كەتكەن ءجون.

كوميكستىڭ باسپاداعى نۇسقالارىنىڭ ساتىلىمى COVID-19 پاندەمياسى كەزىندە سۇرانىستىڭ ازايۋىنان كەيىن ءالى دە تومەندەپ كەلەدى، دەپ حابارلايدى جاريالانىمداردى زەرتتەۋ ينستيتۋتى (Research Institute for Publications) .

مانگا كوميكستەرىنىڭ تسيفرلىق ساتىلىمى %6 عا ءوسىپ، 512,2 ميلليارد يەنگە جەتتى. دەگەنمەن ينستيتۋتتىڭ مالىمەتى بويىنشا ءوسۋ قارقىنى باياۋلايدى.

باسپاداعى نۇسقالارىنىڭ ساتىلىمى وتكەن جىلمەن سالىستىرعاندا %8,8 عا تومەندەپ، 192,1 ميلليارد يەندى قۇرادى.

بۇل كورسەتكىشتەر وتكەن جىلى سيقىرلى شايقاس (Jujutsu Kaisen)، مەنىڭ قاھارمان اكادەميام (My Hero Academia) جانە جۇلدىزدى بالا (Oshi no Ko) سىندى بىرنەشە تانىمال سەريالاردىڭ اياقتالۋىمەن سايكەس كەلدى.

جاپونيانىڭ باسپا نارىعىنداعى مانگا كوميكستەرىنىڭ ۇلەسى %1,3 عا ءوسىپ، %44,8 عا جەتتى، دەپ حابارلايدى جاپونيالىق اقپارات اگەنتتىگى.

بۇدان بۇرىن جاپونيا اتوم ەنەرگەتيكاسى سالاسىن قايتا قاراستىراتىنى ايتىلدى.