جاستار كەڭەسى نەمەن اينالىسادى

استانا. قازاقپارات – I-شاقىرىلىمداعى قۇرىلتاي جانىنان جاستار كەڭەسى قۇرىلادى. ول جاستار باستامالارىن بىرىكتىرۋگە، ولاردى جۇيەلى تۇردە ىلگەرىلەتۋگە جانە قۇرىلتايمەن تىكەلەي ءوزارا ءىس-قيمىل ورناتۋعا ارنالعان تۇراقتى ديالوگ الاڭىنا اينالادى.

ا
Фото: Халық кеңесі

كەڭەستىڭ باستى ميسسياسى - بەلسەندى، باستاماشىل جانە جاسامپاز جاستاردى بىرىكتىرۋ، ولاردىڭ ەلدىڭ قوعامدىق ومىرىنە ەتەنە ارالاسۋىنا جاعداي جاساۋ جانە جاس ۇرپاقتى ەل دامۋىنىڭ ستراتەگيالىق مىندەتتەرىن شەشۋگە تارتۋ.

كەڭەس قۇرامىنا قۇرىلتاي دەپۋتاتتارىن، جاستار ۇيىمدارى مەن بىرلەستىكتەرىنىڭ وكىلدەرىن، وڭىرلەردەگى بەلسەندىلەردى، سونداي-اق ءتۇرلى كاسىبي سالاداعى جاس مامانداردى ەنگىزۋ ۇسىنىلىپ وتىر.

وڭىرلەردىڭ كەڭىنەن وكىلدىك ەتۋىنە ەرەكشە نازار اۋدارۋ كوزدەلگەن. شاعىن قالالارداعى، اۋىلدىق ەلدى مەكەندەردەگى جانە شالعاي اۋداندارداعى جاستاردىڭ ءۇنى ءىرى قالالار جاستارىنىڭ باستامالارىمەن قاتار جالپىۇلتتىق دەڭگەيدە ەستىلۋى ماڭىزعا يە.

كەڭەس جۇمىسىنىڭ جەكە ءبىر باعىتى حالىقارالىق جاستار ىنتىماقتاستىعىن دامىتۋعا، قازاقستاندىق جاستاردىڭ مۇددەلەرىن بىلدىرۋگە جانە ولاردىڭ باستامالارىن حالىقارالىق الاڭداردا ىلگەرىلەتۋگە ارنالادى.

قۇرىلتاي جانىنان جاستار كەڭەسى قۇرىلاتىنىن، مۇنداي شەشىم جوعارى زاڭ شىعارۋشى ورگاننىڭ وتىرىسىندا قابىلدانعانىن جازعان ەدىك.