جاساندى ينتەللەكت توپ ادامنىڭ ىشىنەن قاۋىپتى زاتتاردى انىقتاي الاتىن بولدى

استانا. KAZINFORM - پەرم ۇلتتىق زەرتتەۋ پوليتەحنيكالىق ۋنيۆەرسيتەتىنىڭ ماماندارى نەيروجەلى ارقىلى كەسكىندەردى تانۋ دالدىگىن %25 عا دەيىن ارتتىردى، بۇل بەينەباقىلاۋ جۇيەلەرىنە ادامدار توبىنداعى قاۋىپتى نىسانداردى انىقتاۋعا مۇمكىندىك بەرەدى، دەپ حابارلايدى تاسس اقپارات اگەنتتىگى.

اۆتورلار كامەرادان ءارتۇرلى قاشىقتىقتا ورنالاسقان شاعىن بولىكتەردى تاني الاتىن كورۋدىڭ ىشكى جۇيەسىن ازىرلەدى.

«جەكەلەگەن سىناق سۋرەتتەرى بويىنشا دالدىكتىڭ %25 عا ارتۋى ساناتتاردى تاعايىنداۋعا جانە وڭدەلگەن كەسكىننىڭ ساحنالىق كونتەكستىندە وبەكتىلەردى وقشاۋلاۋعا جاساندى شەكتەۋلەرمەن بايلانىستى»، - دەپ ءتۇسىندىردى ت. ع. ك.  پۇزپۋ اۆتوماتيكا جانە تەلەمەحانيكا كافەدراسىنىڭ دوتسەنتى اندرەي كوكوۋلين.

كلاسسيكالىق نەيروندىق جەلىلەردەن ايىرماشىلىعى، ۇسىنىلعان شەشىم جۇيەگە ەكرانداعى قىزىعۋشىلىق ايماعىن بولەكتەۋگە جانە ونداعى ولشەمدەرى كامەرا مەن وبەكت اراسىنداعى قاشىقتىقتى ەسكەرە وتىرىپ بەرىلگەن بەلگىلى ءبىر وبەكتىلەردى ىزدەۋگە مۇمكىندىك بەرەدى. بۇل رەتتە ءتۇسىرۋ جاعدايىنداعى وزگەرىستەر مازمۇندى تالداۋ ناتيجەسىنە اسەر ەتپەيدى.

«ۇسىنىلعان سحەما، مىسالى، ادامدار كامەرالاردان ءار ءتۇرلى قاشىقتىقتا بولعان كەزدە توپتاعى قارۋدى نەمەسە قاۋىپتى زاتتاردى انىقتاۋعا كومەكتەسەدى. كادىمگى نەيروندىق جەلى وتە الىس نەمەسە وتە جاقىن پوزيتسيالارداعى تاسىمالداناتىن قارۋدى اجىراتا الماۋى مۇمكىن. ءبىراق، ەگەر ءسىز الدىمەن سۋرەتتەگى بارلىق ادامداردىڭ سۇلباسىن انىقتاساڭىز، قارۋدى انىقتاۋ (تانۋ) دالىرەك بولادى»، - دەلىنگەن حابارلامادا.