جاساندى ينتەللەكت ماماندىقتاردى قالاي وزگەرتەدى - ساراپشى پىكىرى

استانا. KAZINFORM - قازاقستاننىڭ «TechnoWomen» ك ە ۇ باسقارما ءتوراعاسى ءازيزا شوجەيەۆا ادامدار جۇمىس ورنى ءۇشىن جاساندى ينتەللەكتىمەن باسەكەگە تۇسكەنىن اتاپ ءوتتى.

ايتا كەتەيىك، استانادا جاساندى ينتەللەكت تاقىرىبىنا ارنالعان Technowomen Central Asia حالىقارالىق فورۋمى وتۋدە.

«ءبىز جاساندى ينتەللەكتىنىڭ ومىرىمىزگە، وتباسىمىزعا، بيزنەسىمىزگە جانە ەڭبەك نارىعىنا قالاي اسەر ەتەتىنىن ءار قىرىنان قاراستىرعىمىز كەلەدى. سونداي-اق، جاساندى ينتەللەكتتى كۇندەلىكتى ومىردە قالاي قولدانۋعا بولادى، مانساپتى قالاي قۇرۋعا بولادى، قانداي ستارتاپتار باسىمدىق الادى، قانداي داعدىلاردى دامىتۋ كەرەك - بارلىق وسى پراكتيكالىق نارسەلەردى جاستارىمىزعا، ايەلدەرگە، جالپى قوعامعا ءوز ومىرلەرىندە قولدانۋى ءۇشىن كەڭىنەن تاراتقىمىز كەلەدى»، - دەدى ءا. شوجەيەۆا فورۋم كۋلۋارىندا.

ونىڭ پىكىرىنشە، جاساندى ينتەللەكتتىڭ دامۋى بولاشاقتا كوپتەگەن ماماندىقتاردىڭ وزگەرۋىنە اكەلەدى.

«ماماندىقتاردىڭ ءۇش توبى بار. ءبىرىنشىسى - اعاش ۇستاسى سەكىلدى فيزيكالىق ەڭبەكپەن بايلانىستى. بۇل ماماندىق ساقتالۋى مۇمكىن، ءبىراق كەيبىر جاڭا قۇرالدار كومەگىمەن وزگەرىسكە ۇشىرايدى. عالىم سياقتى جوعارى ينتەللەكتۋالدى جۇمىس بار، ولار دا ساقتالادى. ءبىراق وسى ەكى اراداعى كولل ورتالىق وپەراتورى، كونتروللەر، ديكتور سياقتى ماماندىقتار قازىردىڭ وزىندە تۇرلەندى. رەنتگەن دەرەكتەرىن قاراپ، دياگنوز قوياتىن رەنتگەنولوگ-دارىگەر ماماندىعىنا دا دياگنوزدى جاقسىراق جاسايتىن جاساندى ينتەللەكت جوبالارى كەلىپ جاتىر. ءبىراق ءالى دە نورماتيۆتىك-قۇقىقتىق بازا مەن زاڭناما بۇل جوبالاردى ەنگىزۋگە دايىن ەمەس. سيفرلىق زاڭنامانى دامىتىپ، ناۋقاستاردى ەمدەۋ حاتتامالارىنا ەنگىزە باستاعاندا عانا رەنتگەنولوگ ماماندىعى وزگەرەدى. سوندا جي كومەگىمەن جۇمىس ىستەيتىن دارىگەر بىلىكتىلىگى بولاتىن شىعار»، - دەپ سانايدى TechnoWomen ءتوراعاسى.

ونىڭ ايتۋىنشا، جاقىندا ەلدە تسيفرلىق قۇزىرەتى جوعارى ماماندارعا قاجەتتىلىك ەكى ەسەگە ارتادى.

«كوپتەگەن كۇندەلىكتى جۇمىستار اۆتوماتتاندىرىلادى. IT- كاسىپكەرلىكتى نەمەسە جاساندى ينتەللەكتىنى قولداناتىن ماماندىقتاردى تاڭداۋ قاجەت. بۇل رەتتە بىزدە دە ءساتتى جوبالار بار - كوز تورىن دياگنوستيكالاۋ جوباسىن دامىتاتىن وتانداسىمىز بار. سونداي-اق، ءبىزدىڭ قىزدار كاسپيدىڭ تەڭىز ەكوجۇيەلەرىن تازارتۋ بويىنشا ج ي جوباسىن ازىرلەۋدە. مۇنداي جوبالار قازىردىڭ وزىندە بار جانە بۇل قۋانتادى. TechnoWomen جاڭا ستارتاپتارعا تالىمگەرلىك قولداۋ كورسەتەدى جانە جوبالاردى ىلگەرىلەتۋ ماسەلەلەرىندە كومەكتەسەدى»، - دەيدى ءا. شوجەيەۆا.

اۆتور
ايجان سەرىكجان قىزى