جاساندى ينتەللەكت كومەگىمەن سالىنعان سۋرەتتەردىڭ فوتوكورمەسى ءوتتى

көрме
فوتو: gov.kz

استانا. KAZINFORM - «تازا قازاقستان. استانا - تازالىق پەن تارتىپسىزدىكتىڭ ۇلگىسى» اتتى اۋقىمدى ەكولوگيالىق اكسياسى اياسىندا ChatGPT كومەگىمەن سالىنعان سۋرەتتەردىڭ فوتوكورمەسى ءوتتى، دەپ جازدى ەلوردا اكىمدىگىنىڭ رەسمي سايتى.

قالانىڭ بولاشاعى تۋرالى كوزقاراستى بەينەلەيتىن كارتينالار «بايتەرەك» مونۋمەنتىنىڭ اينالاسىندا ورنالاسقان. ەلوردالىق جاس بەلسەندىلەر كارتينالار جاساندى ينتەللەكت - ChatGPT ارقىلى جاسالعانىن ايتتى. ولار جاساندى ينتەللەكتتەن استانالىقتار تاراپىنان ۇقىپتىلىق بولماسا، قالانىڭ جانە ونىڭ تانىمال ورىندارىنىڭ جاعدايى نە بولاتىنىن كورسەتۋدى سۇرادى.

«بۇل قورشاعان ورتاعا ۇقىپتى قاراۋ قاجەتتىلىگى تۋرالى ماڭىزدى ەسكەرتۋ. ويتكەنى، ەكواكتسيا بارلىق قالالار مەن اۋىلداردىڭ تۇرعىندارىنا بەلسەندىلىك تانىتۋعا مۇمكىندىك جاسايدى. ارتقا قاراپ، قوقىستى عانا ەمەس، ونى تازارتۋ ارقىلى ءبىز ەرتەڭگى كۇنگە قامقورلىق جاسايتىنىمىزدى بايقايمىز. ۇقىپتىلىق بىزدەن باستالادى. كەز كەلگەن جەرگە قوقىس تاستاۋدىڭ سالدارى تۋرالى ايتىپ، بالالاردى تاربيەلەۋ كەرەك. تابيعات اياسىندا دەمالعاننان كەيىن وزىڭىزبەن الىپ كەلگەن زاتتاردان قالعان قوقىستاردى بىرگە الىپ كەتۋ كەرەك. تابيعاتىمىزدى، سۇيىكتى قازاقستانىمىزدى قورعاۋىمىز كەرەك»، - دەپ اتاپ ءوتتى اكتسيا قوناعى، قوسشى قالاسى ءماسليحاتىنىڭ دەپۋتاتى يرينا وسيپوۆا.

يرينا وسيپوۆا بەلسەندىلەرمەن بىرگە جينالعاندارعا قوقىستى دۇرىس ەمەس جانە بەلگىسىز جەرلەرگە تاستاعاندا نە بولاتىنىن ايتتى. ول قالا تۇرعىندارى ءۇشىن قورشاعان ورتانى تازارتۋ ۇنەمى الاڭداۋشىلىق تۋعىزاتىنىن اتاپ ءوتتى.

көрме
فوتو: gov.kz

ەستەرىڭىزگە سالا كەتەيىك، اۋقىمدى ەكواكسيا اياسىندا قالانى سانيتارلىق تازارتۋ، نوسەر جانە ارىق كاناليزاتسياسى، كوشەلەردى، تروتۋارلاردى، كۆارتالىشىلىك اۋماقتاردى، قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر.

سونداي-اق، جاسىل جەلەكتەردى كۇتىپ-ۇستاۋ جانە وتىرعىزۋ، ساۋدا وبەكتىلەرىنە ىرگەلەس اۋماقتاردى جيناۋ، كوگالدار مەن گۇلزارلار ورناتۋ، رۇقسات ەتىلمەگەن پوليگونداردى جويۋ جانە ت. ب. جۇمىستار جۇرگىزىلىپ جاتىر.

 

سوڭعى جاڭالىقتار