جاساندى ينتەللەكت بويىنشا ا ق ش ەۋروپانى باسىپ وزۋى مۇمكىن بە

بۇل 2025-جىلمەن سالىستىرعاندا شامامەن %60 عا كوپ بولىپ وتىر. نەگىزگى ينۆەستيتسيالار دەرەكتەر ورتالىقتارىنا، ينفراقۇرىلىمعا جانە ج ي ونىمدەرى مەن سەرۆيستەرىنە باعىتتالادى.

ينۆەستيتسيا كولەمى بويىنشا كوش باسىندا - Amazon (شامامەن 200 ميلليارد دوللار). ودان كەيىن Alphabet - 185 ميلليارد، Meta - 135 ميلليارد، Microsoft - 105 ميلليارد دوللار ءبولۋدى جوسپارلاپ وتىر. Oracle 50 ميلليارد دوللارعا دەيىن وسىرسە، Tesla شىعىندارىن 20 ميلليارد دوللارعا دەيىن ەكى ەسەلەۋدى كوزدەيدى. Apple شامامەن 13 ميلليارد دوللار جۇمساماق، ءبىراق ول Google-مەن Gemini AI ينتەگراتسياسى بويىنشا سەرىكتەستىككە بارىپ، ءبىر بولىگىن اۋتسورسينگ ارقىلى جۇزەگە اسىرۋدا.

ج ي ينفراقۇرىلىمىنا سۇرانىس ارتقان سايىن نەگىزگى بەنەفيتسيارلاردىڭ ءبىرى - Nvidia. كومپانيانىڭ داتا-ورتالىقتار سەگمەنتىنەن تۇسەتىن تابىسى 2026-جىلدىڭ سوڭىنا قاراي 500 ميلليارد دوللارعا جەتۋى مۇمكىن.

الايدا ۋولل- ستريتتە بۇل اۋقىمدى شىعىندارعا كوزقاراس ەكىۇشتى. ءبىر جاعىنان، ينۆەستورلار ج ي داۋىرىندە باسەكەلىك ارتىقشىلىق قالىپتاستىرۋدىڭ ماڭىزىن تۇسىنەدى. ەكىنشى جاعىنان، شىعىنداردىڭ باسىم بولىگى قارىز ەسەبىنەن قارجىلاندىرىلىپ جاتىر. Morgan Stanley دەرەگىنشە، گيپەرسكەيلەرلەر 2026-جىلى شامامەن 400 ميلليارد دوللار قارىز تارتۋى ىقتيمال - بۇل وتكەن جىلمەن سالىستىرعاندا ەكى ەسە كوپ. ناتيجەسىندە، ا ق ش- تا جوعارى ساپالى كورپوراتيۆتىك وبليگاتسيالار نارىعى رەكوردتىق 2,25 تريلليون دوللارعا جەتۋى مۇمكىن.

ەۋروپا ءۇشىن بۇل احۋال الاڭداتارلىق. ا ق ش كومپانيالارى ءبىر جىلدا 600 ميلليارد ەۋروعا جۋىق قارجى جۇمىلدىرسا، ە و- نىڭ 2026-جىلعا بولجانعان «ەگەمەندى بۇلتتىق» ينفراقۇرىلىمعا شىعىنى نەبارى 11,5 ميلليارد ەۋرونى قۇرايدى. بۇل - ءوسىم بار بولعانىمەن، اۋقىم جاعىنان امەريكالىق دەڭگەيمەن سالىستىرۋعا كەلمەيدى.

فرانسيانىڭ Mistral AI كومپانياسى ەۋروپاداعى سيرەك قارسى سالماقتاردىڭ ءبىرى سانالادى. ول 2026-جىلى 1 ميلليارد ەۋرو CapEx جوسپارلاپ، شۆەتسيادا ءىرى داتا-ورتالىق سالۋدى باستادى. جوبا ە و- نىڭ دەرەكتەر قاۋىپسىزدىگى ستاندارتتارىنا ساي «ەگەمەندى ەسەپتەۋ» قاعيداتىنا نەگىزدەلەدى.

قورىتىندىسىندا، ا ق ش تەحنوگيگانتتارى ج ي ۇستەمدىگى ءۇشىن قارجىلىق رەسۋرستارىن بارىنشا جۇمىلدىرۋدا. ال ەۋروپا رەتتەۋ مەن نىسانالى ينۆەستيتسيا ارقىلى ءوز «ەگەمەندى ورنىن» ساقتاپ قالۋعا تىرىسىپ وتىر. بۇل ستراتەگيالاردىڭ قايسىسى ءتيىمدى بولاتىنىن الداعى جىلدار كورسەتەدى.