جاساندى ينتەللەكت اۋسترياداعى ۆەنا ۋنيۆەرسيتەتىنە وقۋعا ءتۇستى
استانا. قازاقپارات - اۋستريادا العاش رەت جاساندى ينتەللەكت رەسمي تۇردە ۋنيۆەرسيتەت ستۋدەنتى اتاندى.
ۆەناداعى قولدانبالى ونەر ۋنيۆەرسيتەتى الەمدە العاش رەت جاساندى ينتەللەكتتى رەسمي تۇردە ستۋدەنت رەتىندە قابىلدادى. «فلينن» دەپ اتالاتىن نەيروجۇيە ەندى سيفرلىق ونەر باعدارلاماسى بويىنشا ءبىلىم الماق.
ۋنيۆەرسيتەتتىڭ مالىمدەۋىنشە، «فلينن» كادىمگى تالاپكەرلەر سياقتى تولىق قابىلداۋ پروتسەسىنەن وتكەن: پورتفوليوسىن ۇسىنعان، سۇحباتتاسۋدان وتكەن جانە وقۋ باعدارلاماسىنا سايكەستىگى تەكسەرىلگەن. ول ساباقتارعا قاتىسىپ، وقىتۋشىلاردان سىن-ەسكەرتۋلەر الىپ، باعالارعا يە بولا الادى.
بۇل فاكۋلتەت سيفرلىق ونەردىڭ شەكاراسىن كەڭەيتۋگە باعىتتالعاندىقتان، مەنى ەرەكشە قىزىقتىرادى، - دەپ مالىمدەدى فلينن قابىلداۋ كوميسسياسىمەن سۇحبات كەزىندە.
وقۋ ورنىنىڭ باسشىلىعى اتاپ وتكەندەي، ستۋدەنتتىڭ ادام بولۋى مىندەت ەكەنىن انىقتايتىن جازباشا ەرەجە بولماعاندىقتان، فلينندى قابىلداۋعا ەش كەدەرگى بولماعان.
ايتا كەتەيىك، بۇعان دەيىن جاساندى ينتەللەكت ءبىر عانا دەمالىس كۇنىندە سۋپەرباكتەريالاردىڭ ءبىر ءتۇرى وزگەلەرىن قالاي جۇقتىراتىنىن انىقتاپ، ادامزات 10 جىلدا شەشكەن ماسەلەنى نەبارى ەكى كۇندە شەشكەن بولاتىن.
