جاس وسپىرىمدەردىڭ قىسقى وليمپياداسىندا قازاقستان حوككەي قۇراماسى كىمدەرمەن وينايدى

جاس وسپىرىمدەر اراسىنداعى قىسقى وليمپيادا ويىندارىندا شايبالى حوككەيدەن قازاقستان جاس وسپىرىمدەر قۇراماسىنىڭ ويىن كەستەسى بەلگىلى بولدى، دەپ حابارلايدى kazinform.

وليمپيادا ويىندارى 2024-جىلدىڭ 19- قاڭتارى مەن 1- اقپان ارالىعىندا وڭتۇستىك كورەيانىڭ كانۆوندو قالاسىندا وتكىزىلەدى.

قازاقستاندىق جاس ءوسپىرىم حوككەيشىلەر 3x3 تۋرنيرىندە باق سىنايدى. باس باپكەر - رامازان كايداروۆ.

قۇراما پولشا، اۆستريا، تايپەي، لاتۆيا، دانيا، يسپانيا جانە ۇلىبريتانيا حوككەيشىلەرىمەن كۇش سىناسادى.

قازاقستان جاسوسپىرىمدەر قۇراماسىنىڭ ويىن كەستەسى:

20- قاڭتار. 15:00. پولشا - قازاقستان

21- قاڭتار. 13:30. قازاقستان - اۆستريا

21- قاڭتار. 20:30. لاتۆيا - قازاقستان

22- قاڭتار. 12:00. قازاقستان - دانيا

22- قاڭتار. 19:00. تايپەي - قازاقستان

23- قاڭتار. 12:30. يسپانيا - قازاقستان

23- قاڭتار. 20:30. قازاقستان – ۇلى بريتانيا

جاس وسپىرىمدەر اراسىنداعى قىسقى وليمپيادا ويىندارى 2012-جىلدان بەرى تۇراقتى تۇردە وتكىزىلىپ كەلەدى.

ەسكە سالساق، بۇدان بۇرىن جاس وسپىرىمدەردىڭ IV قىسقى وليمپياداسىنا قازاقستاننان قانشا ادام باراتىنى بەلگىلى بولدى.