جاس قالامگەرلەرگە ارنالعان جاڭا بايقاۋ جاريالاندى
قازاقستاندا دارىندى اۆتورلاردى قولداپ، قوعامداعى ەڭبەك ماماندىقتارىنىڭ ماڭىزدىلىعىن اشۋدى كوزدەيتىن «ەرلىك پەن ەڭبەك داستانى» بايقاۋى باستالدى. بۇل تۋرالى ق ر مادەنيەت جانە اقپارات ءمينيسترى ايدا بالايەۆا حابارلادى.
اتالعان بايقاۋدىڭ نەگىزگى ماقساتى - كاسىبي شەبەرلىگى مەن قاجىرلى ەڭبەگىنىڭ ارقاسىندا ەلىمىزدىڭ دامۋىنا ۇلەس قوسىپ جۇرگەن مامانداردىڭ ەڭبەگىن دارىپتەۋ. مۇعالىمدەر، دارىگەرلەر، كەنشىلەر، فەرمەرلەر، قۇرىلىسشىلار، جۋرناليستەر، مۋزىكانتتار، كىتاپحاناشىلار سىندى ءتۇرلى سالا ماماندارىنىڭ ەڭبەگى جاس قالامگەرلەردىڭ شىعارمالارى ارقىلى ناسيحاتتالادى.
بۇل بايقاۋ تەك ماماندىقتىڭ ەرەكشەلىگىن اشىپ كورسەتۋمەن شەكتەلمەي، كەيىپكەرلەردىڭ ىشكى جان دۇنيەسىن، ولاردىڭ ارماندارى مەن كۇندەلىكتى ومىردە كەزدەسەتىن قيىندىقتارىن كوركەم تۇردە بەينەلەۋدى تالاپ ەتەدى. بايقاۋ جاس اۆتورلارعا ەڭبەك ادامدارىنىڭ رۋحىن، ولاردىڭ ەرەكشە قاسيەتتەرىن اشىپ، جاڭا وبرازدار جاساۋعا مۇمكىندىك بەرەدى.
«جەڭىمپاز كەلەسى جىلى، ياعني 2025 -جىلى رەسپۋبليكا كۇنىندە انىقتالادى. ال قازاقستان رەسپۋبليكاسىنىڭ مادەنيەت جانە اقپارات مينيسترلىگى ەڭ ۇزدىك كىتاپتىڭ جارىق كورۋىن جانە بۇكىل ەل بويىنشا تارالۋىن قامتاماسىز ەتەدى»، دەپ جازدى ايدا بالايەۆا Facebook پاراقشاسىندا.
بايقاۋعا قاتىسۋعا وتىنىمدەر 1-قازاننان باستاپ قابىلدانادى.
