جاس ماماندار تۇرعىن ءۇي ساتىپ الۋ ءۇشىن 7 ميلليون تەڭگەدەن استام نەسيە الا الادى

 اۋىلدىق جەرلەردە كادرلىق الەۋەتتى ارتتىرۋ ماقساتىندا 2009 -جىلدان باستاپ ۇلتتىق ەكونوميكا مينيسترلىگى «ديپلوممەن اۋىلعا» جوباسىن ىسكە اسىرۋدا، دەپ حابارلايدى Kazinform ۇلتتىق ەكونوميكا مينيسترلىگىنە سىلتەمە جاساپ.

كىمدەر قاتىسا الادى:

▪️دەنساۋلىق ساقتاۋ

▪ ء ️بىلىم

▪️الەۋمەتتىك قامسىزداندىرۋ

▪️مادەنيەت

▪️سپورت

▪️اگروونەركاسىپتىك كەشەن

▪️اۋىلدار، كەنتتەر، اۋىلدىق وكرۋگتەر اكىمدەرى اپپاراتتارىنىڭ مەملەكەتتىك قىزمەتشىلەرى.

الەۋمەتتىك قولداۋ شارالارى:

▪️100 ا ە ك (345 مىڭ تەڭگە) مولشەرىندە ءبىرجولعى كوتەرمە جاردەماقى تولەۋ

▪️تۇرعىن ءۇي ساتىپ الۋعا جىلدىق كرەديت سوماسىنان %0,01 مولشەرىندەگى سىياقى مولشەرلەمەسىمەن 15 جىلعا 1500 ا ە ك- كە (5,2 ميلليون تەڭگە) دەيىن بيۋدجەتتىك كرەديت بەرۋ.

«2009-2022 -جىلدار ارالىعىندا 95 مىڭنان استام مامان 17 ميلليارد تەڭگە سوماسىنا كوتەرمە جاردەماقى الدى. 45 مىڭنان استام مامان تۇرعىن ءۇي ساتىپ الۋ ءۇشىن 142,5 ميلليارد تەڭگە سوماسىنا بيۋدجەتتىك كرەديتتەر الدى. ال بيىل 3,6 مىڭ مامانعا تۇرعىن ءۇي ساتىپ الۋ ءۇشىن 18,6 ميلليارد تەڭگە قاراستىرىلدى. ءساۋىر ايىنان باستاپ „وتباسى بانكى“ جوبا وپەراتورى بولىپ تاعايىندالدى. باعدارلاما تسيفرلىق فورماتقا اۋىستىرىلدى. وتىنىمدەر باسپانا ماركەت جىلجىمايتىن مۇلىك پورتالىندا ونلاين رەجيمىندە قابىلدانادى»، - دەپ جازدى مينيسترلىكتەن.

ايتا كەتەيىك، اعىمداعى جىلى الەۋمەتتىك قولداۋ شارالارىن ۇسىنۋ مولشەرىنە وزگەرىستەر ەنگىزىلدى. ماسەلەن، 2024 -جىلدان باستاپ اۋدان ورتالىقتارىنا جۇمىس ىستەۋگە كەلگەن ماماندار ءۇشىن بيۋدجەتتىك كرەديت كولەمى 2500 ا ە ك- كە (9,2ميلليون تەڭگە) دەيىن ۇلعايادى نەمەسە اۋىلدىق ەلدى مەكەندەر ءۇشىن 2000 ا ە ك- كە ياعني 7,3 ميلليون تەڭگەگە دەيىن وسەتىن بولادى.