جاس ءوسپىرىمدى اجالدان قۇتقارىپ قالعان ۇلتتىق ۇلان ساربازدارى ماراپاتتالدى

استانا. KAZINFORM - بۇگىن ۇلتتىق ۇلاننىڭ 5573 اسكەري ءبولىمىنىڭ ساپتىق الاڭىندا جاس ءوسپىرىمدى اجالدان قۇتقارىپ قالعان ۇلتتىق ۇلان ساربازدارى ماراپاتتالدى.

марапат
Фото: Polisia.kz

Polisia.kz سايتىنىڭ مالىمەتىنشە، اتالمىش ءىس-شاراعا اسكەري ءبولىم كومانديرى ايان ەسجانوۆ، «اق جول» ق د پ استانا قالاسى بويىنشا فيليالى ءتوراعاسىنىڭ ورىنباسارى، ءماسليحات دەپۋتاتى ابزال ابەنوۆ، پارتيانىڭ جاستار ساياساتى بويىنشا كەڭەسشىسى ۇلان قۇسايىنوۆ، استانا قالاسىنىڭ توتەنشە جاعدايلار دەپارتامەنتى باستىعىنىڭ ورىنباسارى ماديار مىرزاگەلدينوۆ قاتىستى.

ەلوردالىق قۇرامانىڭ جاۋىنگەرلەرى قالا تىنىشتىعىن كۇزەتۋ بويىنشا قىزمەتكە ءتۇسۋ ءۇشىن سالتاناتتى ساپ تۇزەپ تۇردى. اسكەري ءبولىم كومانديرى ماراپاتتاۋ ءۇشىن اسكەري جاساقتى مىنبەر الدىنا شاقىردى. ساربازدار ۇشتىگى اسكەري جۇرىسپەن مىنبەردىڭ الدىنا كەلىپ، ساپقا تۇردى. العاش بولىپ «اق جول» پارتياسىنىڭ وكىلدەرى ساربازداردى ماراپاتتادى. ەكى ساربازعا ماقتاۋ قاعازىن ۇسىنسا، قاتارداعى الىشەر ماحمەتتىڭ كەۋدەسىنە مەدال تاقتى.

سودان كەيىن، استانا قالاسىنىڭ توتەنشە جاعدايلار دەپارتامەنتى باستىعىنىڭ ورىنباسارى ماديار مىرزاگەلدينوۆ ق ر توتەنشە جاعدايلار ءمينيسترىنىڭ بۇيرىعىن وقىپ، ۇلاندىق الىشەر ماحمەتكە ۆەدومستۆونىڭ مەدالىن تابىس ەتتى.

- ۇلتتىق ۇلان ساربازى الىشەرگە وقيعا ورنىندا ەرلىك تانىتىپ، ادام ءومىرىن قۇتقارعانى ءۇشىن العىس بىلدىرەمىز، - دەدى مىرزاگەلدينوۆ.

ساربازدىڭ بولسا، بۇل ونىڭ وتان الدىنداعى مىندەتى ەكەنىن جانە قۇرامانىڭ بارلىق ساربازى ونىڭ ورنىندا بولسا وسىلاي جاسايتىنىن ايتتى.

- مەن ءۇشىن بۇگىنگى ماراپاتتاردىڭ ورنى ەرەكشە. ەرلىگىمدى ەسكەرگەنى ءۇشىن ۇلتتىق ۇلان باس قولباسشىسىنا، اسكەري ءبولىم كومانديرىنە جانە ق ر توتەنشە جاعدايلار مينيستىرلىگى مەن پارتيا وكىلدەرىنە العىس ايتامىن. ءبىزدىڭ مىندەتىمىز تىنىشتىقتى قامتاماسىز ەتۋ، ەلگە كومەكتەسۋ، - دەدى جاس سارباز.

قاتارداعى الىشەر ماحمەت سولتۇستىك قازاقستان وبلىسىنىڭ تۋماسى، وتكەن جىلدىڭ قاراشا ايىندا 5573 اسكەري بولىمىنە وتان الدىنداعى بورىشىن وتەۋ ءۇشىن كەلگەن. ول جاستاردى ازاماتتىق بورىشىن وتەۋگە شاقىرادى.

ەسكە سالىپ كەتەيىك، 15-ماۋسىم كۇنى كەشكى ۋاقىتتا استانا قالاسىندا 5573 اسكەري ءبولىمىنىڭ قاتارداعى جاۋىنگەرلەرى الىشەر ماحمەت، ارسەن قازي مەن رينات دوسشانوۆ قىزمەت اتقارۋ كەزىندە اقبۇلاق وزەنىنەن ءجۇزىپ وتەمىن دەپ سۋعا باتا جازداعان  63-مەكتەپ وقۋشىسىن قۇتقارعان بولاتىن.

سوڭعى جاڭالىقتار