جارتىسى قىتايدان. بيىل قازاقستانعا قانشا قانداس ورالعان

استانا. قازاقپارات - 2025 -جىلى 3203 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى.

قانشا قانداس كەلگەن

2025 -جىلى 3203 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى. جالپى 1991 -جىلدان بەرى رەسپۋبليكاعا 1 ميلليون 151 مىڭنان استام ەتنيكالىق قازاق ورالدى.

قاي ەلدەن كوپ كەلگەن

جىل باسىنان قازاقستانعا كەلگەن قانداستاردىڭ جارتىسى (%48,1) قىتايدان، %39,5 - وزبەكستاننان، %5,8 - تۇرىكمەنستاننان، %2,5 - موڭعوليادان، %1,9 - رەسەيدەن جانە %2,2 باسقا ەلدەردەن.

جاس ارالىعى

وسى جىلعى 1-ساۋىردەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى %60,7 دى، ەڭبەككە قابىلەتتى جاستان كىشى %31,1 دى جانە زەينەتكەرلەر %8,2.

ءبىلىم

ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا %17,9 ى جوعارى ءبىلىمدى، %27,8 ى ورتا كاسىبي ءبىلىمدى، %52,9 ى جالپى ورتا ءبىلىمدى، جانە %1,4 ءبىلىم جوق.

قاي وڭىرلەرگە كوپ قونىستانادى

قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستاندى. سونىمەن قاتار، قانداستاردى قونىستاندىرۋ ءۇشىن كەلەسىدەي ەڭبەك كۇشى تاپشى وڭىرلەر انىقتالدى: اقمولا، اباي، قوستاناي، پاۆلودار، اتىراۋ، باتىس، شىعىس جانە سولتۇستىك قازاقستان وبلىستارى.

سۋبسيديا

جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى - ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 ا ە ك (275,2 مىڭ تەڭگە) مولشەرىندە؛ تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە - ءبىر جىل ىشىندە 15 تەن 30 ا ە ك (59 دەن 118 مىڭ تەڭگەگە دەيىن) مولشەرىندە.

جىل باسىنان بەرى 147 قانداسقا ءتۇرلى قولداۋ شارالارى كورسەتىلدى. اتاپ ايتقاندا، 94 ادام تۇراقتى جۇمىسقا ورنالاستىرىلدى.

سونىمەن قاتار ەرىكتى قونىس اۋدارۋدىڭ تيىمدىلىگىن ارتتىرۋ ماقساتىندا ازاماتتاردى سولتۇستىك وڭىرلەرگە قونىس اۋدارۋعا قاتىساتىن جۇمىس بەرۋشىلەردى قولداۋ بويىنشا ينستيتۋتسيونالدىق شارالار قابىلداندى. تۇرعىن ءۇي ساتىپ الۋ، سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن ەكونوميكالىق ۇتقىرلىق سەرتيفيكاتى تۇرعىن ءۇي قۇنىنىڭ %50 ى نەمەسە ءبىر وتباسىنا 4,56 ميلليون تەڭگەگە دەيىن مولشەرىندە ءبىرجولعى وتەۋسىز جانە قايتارىمسىز نەگىزدە ەنگىزىلدى.