جارتى عاسىرعا جۋىق قۇجاتسىز جۇرگەن: قازاقستاندىق ايەل العاش رەت ءوزىنىڭ ومىردە بار ەكەنىن دالەلدەدى
استانا. KAZINFORM - جارتى عاسىرعا جۋىق قۇجاتسىز جۇرگەن قازاقستاندىق ايەل ءوزىنىڭ ومىردە بار ەكەنىن دالەلدەدى.
الاتاۋ قالاسىندا پروكۋراتۋرا تۋعاننان بەرى جەكە باسىن كۋالاندىراتىن قۇجاتتارى جانە جەكە سايكەستەندىرۋ ءنومىرى (ج س ن) بولماعان 46 جاستاعى ايەلگە كومەكتەستى.
انىقتالعانداي، 1980-جىلى اناسى ونىڭ تۋۋىن ا ح ا ت ورگاندارىندا تىركەمەگەن. سول كەزەڭدەگى مەديتسينالىق مۇراعاتتاردىڭ ساقتاۋ مەرزىمى وتۋىنە بايلانىستى جويىلۋى سالدارىنان قۇجاتتاردى سوتتان تىس تارتىپپەن قالپىنا كەلتىرۋ مۇمكىن بولماعان.
ج س ن- ءى بولماعاندىقتان، ايەل سوتقا ءوز بەتىنشە جۇگىنە الماعان، ال اپكەسىنىڭ بۇعان دەيىن بەرگەن ءوتىنىشى قاناعاتتاندىرىلماعان.
ازاماتشانىڭ قۇقىقتارىن قورعاۋ ماقساتىندا الاتاۋ قالاسىنىڭ پروكۋراتۋراسى سوتقا ونىڭ تۋۋ فاكتىسىن انىقتاۋ تۋرالى تالاپ قويۋمەن جۇگىندى. سوت تالاپتى قاناعاتتاندىردى. ەندى ايەل ءتيىستى قۇجاتتارىن راسىمدەپ، مەديتسينالىق كومەك الۋعا، رەسمي تۇردە جۇمىسقا ورنالاسۋعا جانە الەۋمەتتىك قولداۋعا قول جەتكىزە الادى، - دەپ حابارلادى الماتى وبلىسى پروكۋراتۋراسىنىڭ باسپا ءسوز قىزمەتى.
ايتا كەتەيىك، بۇعان دەيىن ش ق و- دا 69 جاستاعى زەينەتكەرگە العاش رەت جەكە كۋالىك بەرىلدى.
