جانىبەكتىڭ سالماعىنداعى چەمپيون ەكى ديۆيزيوندا وزىنە قارسى كەلەر ەشكىم جوعىن مالىمدەدى
استانا. KAZINFORM - ورتا سالماقتا WBC تيتۋلىنا يە دومينيكانالىق كارلوس ادامەس (24-1-1، 18 ك و) ەكى ديۆيزيوندا - ورتا جانە سۋپەرورتا سالماقتا دا مىقتى ەكەنىن مالىمدەدى.
بوكسشى X (بۇرىنعى Twitter) جەلىسىەدە بىلاي دەپ جازىپتى:
«ماعان ءبارى قاجىرلى ەڭبەك جانە ۇلكەن تالپىنىس ارقاسىندا كەلدى. بۇل قازىرگى تاڭدا ورتا سالماقتاعى ەڭ مىقتى بوكسشىنىڭ ەڭبەگىنىڭ جەمىسى. تاكاپارلىق دەپ ويلاماڭدار، ءبىراق، ورتا جانە ەكىنشى ورتا سالماقتاعى توپ-10 تىزىمنەن مەنى جەڭە الاتىن ەشكىمدى كورمەي تۇرمىن. مىنە ناعىز شەبەرلىك».
ورتا ديۆيزيوندا WBO جانە IBF چەمپيونى جانىبەك ءالىمحان ۇلى (17-0، 12 ك و) دا ونەر كورسەتەدى. جانىبەك پەن ادامەس الەۋمەتتىك جەلىدە بىرنەشە رەت «قىرقىسىپ»، ەكەۋى دە ءبىر-ءبىرىن جەكپە-جەكتەن قاشتىڭ دەپ ايىپتاعان بولاتىن. الايدا ەكەۋارا جەكپە-جەك سول كۇيى ۇيىمداستىرىلمادى.
