جانىبەكتىڭ اتا-اناسىن پوليتسيا ىزدەپ جاتىر – ءى ءى م

Жәнібек Жұмағұлов
Фото: instagram.com/Muratsaveliev

استانا. KAZINFORM - پوليتسيا بەلگيا ازاماتى اسىراپ العان 22 جاستاعى جانىبەك جۇماعۇلوۆتىڭ (دجاني) اتا-اناسىن ىزدەپ جاتىر. بۇل تۋرالى ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ايتتى.

بۇگىن سەناتتىڭ جالپى وتىرىسىنان كەيىن ب ا ق وكىلدەرى ودان اناسىن ىزدەگەن ەۋروپالىق جانىبەكتىڭ وقيعاسىنا قاتىستى قىلمىستىق ءىستىڭ قوزعالعان نە قوزعالماعانىن سۇراعان ەدى.

«قىلمىستىق ءىس قوزعالدى. ونىڭ (جانىبەكتىڭ) قاشان جانە قانداي سەبەپكە بايلانىستى شەتەلگە كەتكەنى انىقتالىپ جاتىر. اكە-شەشەسىن پوليتسيا ىزدەۋدە. قازىر سىزدەرگە جانىبەكتىڭ وقيعاسى سياقتى ىستەر بار دەپ ايتا المايمىن»، - دەدى ىشكى ىستەر ءمينيسترىنىڭ ءبىرىنشى ورىنباسارى.

ەسكە سالا كەتەيىك، بەلگيالىق جانىبەك جۇماعۇلوۆتىڭ تۋعان اناسىن تابۋعا قاتىستى ەلىمىزدىڭ باس پروكۋراتۋراسىنا ءوتىنىش جىبەرگەنى تۋرالى حابارلاعان ەدىك.

سونداي-اق قازاقستانعا كەلگەن كەزدە ول استاناداعى بالالار ۇيىنە بارعان.

سوڭعى جاڭالىقتار