جانىبەككە ناقتى ءارى مىقتى قارسىلاستار ۇسىنىلدى

بريتانيالىق جۋرناليست بەن سميت قازاقستاندىق جانىبەك ءالىمحان ۇلى (15-0، 10 ك و) الداعى ايقاستا كىممەن جۇدىرىقتاسا الاتىنى تۋرالى ويىن ايتتى.

ول Vesti.kz تىلشىسىنە بەرگەن سۇحباتىندا «ءالىمحان ۇلى ءار جەكپە-جەك سايىن ءوسىپ كەلەدى. ۆينچەنتسومەن ايقاستا ول كەرەمەت بوكس كورسەتتى. قارسىلاستىڭ جەڭىلۋى ۋاقىت ەنشىسىندە عانا ەكەنى كورىنىپ-اق تۇردى. مۇمكىن تورەشى اسىعىپ جەكپە-جەكتى ەرتەرەك توقتاتىپ قويعان بولار. دەگەنمەن بۇل ءۇشىن وعان ءمىن تاعۋدىڭ كەرەگى جوق. ويتكەنى ەڭ باستىسى - ول سپورتشىنىڭ دەنساۋلىعى، ال رينگتەگى تورەشى جاعدايدى بارىنەن جاقسى بايقاي الادى. جانىبەك ەرتە مە، كەش پە قارسىلاسىن ءبارىبىر نوكاۋتقا تۇسىرەر ەدى.

ەندى الداعى جەكپە-جەكتەرگە قاتىستى، چارلو جانە لارامەن مۇمكىندىك تۇماندى. قازاقستاندىق بوكسشى جاقىن ارادا تيتۋل بىرىكتىرەتىن تاعى ءبىر ايقاس وتكىزە المايدى. قازىرگى تاڭدا ناقتى قارسىلاستار ىزدەۋ كەرەك. ماسەلەن، ادامەس نەمەسە ۇلى بريتانيادا جەكپە-جەك وتكىزۋگە بولادى. حامزا شيراز بەن فەليكس كەش - باسقا مۇمكىن قارسىلاستار جانىندا دۇرىستاۋ كورىنەدى. ونىڭ ۇستىنە گەوگرافيانى ءاردايىم كەڭەيتۋ قاجەت»، - دەيدى سميت.